ترکی میں زلزلے سے تباہی کے بعد امدادی کام جاری،24 اموات

ترکی میں زلزلے سے تباہی کے بعد امدادی کام جاری،24 اموات

باغی ٹی وی کی رپورٹ کے مطابق ترکی کے شہر ازمیر میں زلزلے سے اموات کی تعداد 24 ہو گئی ہے جبکہ 800 سے زائد افراد زخمی ہوئے ہیں

ترکی میں آنے والے زلزلے نے تباہی مچا دی ہے ۔ ازمیر اور سفر حصار شہر میں متعدد عمارتیں ملبے کے ڈھیر میں تبدیل ہوگئی ہیں ۔ زلزلے کے بعدریسکیو کا کام جاری ہے۔ ریسکیو اہلکار ملبے تلے دبے افراد کو نکالنے کیلئے آپریشن جاری رکھے ہوئے ہیں۔

ترک حکام کے مطابق زلزلے سے ازمیر شہر زیادہ متاثر ہوا، جہاں عمارتوں کو زیادہ نقصان پہنچا۔ زلزلے کے بعد سطحِ سمندر بلند ہوگئی، جس سے پانی شہر سفر حصار میں داخل ہوگیا۔ سیلابی صورتحال سے متعدد ماہی گیر بھی لاپتہ ہوگئے۔

زلزلے کے جھٹکے یونان، قبرص، لیبیا، بلغاریہ، البانیہ سمیت خطے کے دیگر ممالک میں بھی محسوس کیے گئے۔ یونان میں زلزلے کے باعث آنے والے سونامی کی وجہ سے بندرگاہ سیموس میں کئی عمارتیں زیرِ آب آ گئیں۔ کئی عمارتیں ملبے کا ڈھیر بن گئیں،

ترکی میں زلزلے سے متاثرہ علاقوں میں اب تک 21 آفٹر شاکس بھی آچکے ہیں۔ ترک صدر طیب اردوان کا کہنا ہے کہ زلزلےسے متاثرہ افراد کی امداد کیلئے تمام وسائل بروئے کار لائیں گے۔

زلزلے کے بعد ترکی کے صدر رجب طیب اردوان نے سماجی رابطے کی ویب سائٹ ٹویٹر پر لکھا کہ مشکل کی اس گھڑی میں عوام کے ساتھ کھڑے ہیں، ہم نے نوٹس لیا ہے اور فوری طور پر شہریوں کی امداد کے لیے اداروں اور متعلقہ وزارتوں کو ہدایات جاری کر دی ہیں۔