ترک وزیرِ خارجہ حاقان فیدان جو اس وقت دورۂ ایران پر موجود ہیں، انہوں نے تہران میں اپنے ایرانی ہم منصب عباس عراقچی کے ساتھ مشترکہ پریس کانفرنس سے خطاب کیا جس میں خطے کی صورتحال اور دوطرفہ دلچسپی کے امور پر تفصیلی گفتگو ہوئی۔
حاقان فیدان نے کہا کہ ترکیہ اور ایران خطے کے دو مضبوط ممالک ہیں اور دونوں کے درمیان علاقائی مسائل کے حل کے لیے قریبی تعاون اہم ہے۔ ملاقات میں فلسطین، غزہ، شام اور لبنان کی صورتِ حال کے ساتھ ساتھ اسرائیل کی توسیع پسندی پر بھی گفتگو ہوئی۔انہوں نے بتایا کہ دورۂ ایران کے دوران پاک–افغان کشیدگی سمیت دیگر علاقائی معاملات پر بھی بات چیت کی گئی، جبکہ ایران کے جوہری پروگرام پر جاری مذاکرات پر بھی تبادلۂ خیال کیا گیا۔
ترک وزیرِ خارجہ کے مطابق دونوں رہنماؤں نے اس بات پر اتفاق کیا کہ اسرائیل کی علاقائی توسیع پسندی پورے خطے کے لیے بڑا خطرہ ہے۔انہوں نے مزید کہا کہ ترکیہ کا مقصد ہے کہ غزہ میں جنگ بندی برقرار رہے تاکہ آئندہ مراحل کے لیے راہ ہموار ہو سکے
کراچی کو فیڈرل ٹیریٹری قرار دیں، ورنہ نئے صوبے،فاروق ستار
کرم میں چیک پوسٹ پر حملہ، 2 اہلکار شہید، 4 دہشت گرد ہلاک
گوگل اپڈیٹ، اب بول کر راستے کی معلومات حاصل کریں
سری لنکا سیلاب متاثرین کی مدد، پاک بحریہ کی امدادی سرگرمیاں جاری
