انقرہ: ترک صدر رجب طیب ایردوان نے پاکستانی قوم کے ساتھ اپنی حمایت کا واضح اعلان کیا کہا کہ ترکیہ پاکستانی قوم کے ساتھ ان کے اچھے اور برے دنوں میں کھڑا رہےگا۔
ترک کابینہ کے اجلاس میں صدر ایردوان نے کہا کہ پاکستان اور بھارت کے درمیان جنگ بندی پر خوشی ہے، ہم نےکشمیر میں دہشت گرد حملےاور پاکستان پر میزائل حملوں پر واضح مؤقف دیادونوں ممالک کے درمیان انتہائی خطرناک تناؤ کو کم کرنےکے لیے انتھک کوششیں کیں، اپنے بھائی وزیراعظم شہباز شریف کو ٹیلی فون کیا اور ان سے اہم گفتگو ہوئی، ہم نے پاکستانی بھائیوں کو ان کے صبر و تحمل اور دانشمندانہ مؤقف پر مبارک باد دی،ترکیہ پاکستانی قوم کے ساتھ ان کے اچھے اور برے دنوں میں کھڑا رہےگا۔
ترک صدر نے پاکستان کو مشورہ دیا کہ اشتعال انگیزی میں نہ پھنسیں خواہاں ہیں کہ جنگ بندی سے قائم ہونے والا پرسکون ماحول تمام مسائل، بالخصوص پانی کے مسئلے، کے حل کو آسان بنائےگا۔
پاک بحریہ کے جہاز حنین کا دورہ عمان، دوطرفہ مشق میں شرکت
ہر دانش اسکول میں ڈیجیٹل لائبریری بنانے کی ہدایت
