لاہور:علامہ اقبال انٹرنیشنل ایئرپورٹ پرطیارے میں فنی خرابی کی وجہ سے ترکی ایئرلائن کی ہنگامی لینڈنگ ہوئی۔
ائیر پورٹ ذرائع کے مطابق علامہ اقبال انٹرنیشنل ایئرپورٹ پر ترکی ایئرلائن کی استنبول جانے والی پرواز کو ٹیک آف کے فوراً بعد فنی خرابی کے باعث ہنگامی طور پر واپس لینڈ کرنا پڑا جیسے ہی پرواز نے روانگی اختیار کی، طیارے میں فنی خرابی پیدا ہوگئی، جس پر پائلٹ نے فوری طور پر ایئر ٹریفک کنٹرولر سے رابطہ کر کے واپسی کی اجازت طلب کی،طیارے میں فنی خرابی کی وجہ سے مسافر خوفزدہ ہوگئے۔
ایئر ٹریفک کنٹرول کی جانب سے فوری اجازت ملنے کے بعد پائلٹ نے مہارت اور ذمے داری کا مظاہرہ کرتے ہوئے طیارے کو بہ حفاظت واپس لاہور ایئرپورٹ پر اتار لیا لینڈنگ کے بعد طیارے کو پارکنگ ایریا میں منتقل کر دیا گیا، جہاں ایئرکرافٹ انجینئرز نے فوری طور پر جہاز کا تکنیکی معائنہ شروع کر دیا ہے۔
پرواز میں موجود تمام مسافروں کو بہ حفاظت طیارے سے اُتار کر لاؤنج میں منتقل کر دیا گیا ہے، جہاں وہ اگلے اعلان کے منتظر ہیں۔
پنجاب بھر میں سیکیورٹی کے سخت انتظامات کے ساتھ یوم عاشور پُرامن طور پر اختتام پذیر
پیپلز پارٹی کے سینئر رہنما عبدالستار بچانی انتقال کر گئے
پاکستان کے شعبہ بینکاری میں وسیع مواقع دستیاب ہیں،فنانس ڈائریکٹراے ڈی بی
