کراچی میں بظاہر ٹارگٹ کلنگ کے دو الگ واقعات میں دو نوجوانوں کو فائرنگ کر کے قتل کر دیا گیا۔
پہلا واقعہ پیر کی صبح مین یونیورسٹی روڈ پر پیش آیا، جہاں موٹر سائیکل پر سوار حملہ آوروں نے 20 سالہ عبداللہ پنہور کو گولی مار کر ہلاک کر دیا۔ پولیس کے مطابق مقتول اپنے دوست آصف علی چنا کے ساتھ چائے پی کر گھر واپس جا رہا تھا جب حملہ ہوا۔ آصف علی محفوظ رہا، تاہم پولیس کا کہنا ہے کہ اصل ہدف وہی تھا۔مقدمہ آصف علی کی مدعیت میں درج کیا گیا، جس میں سجاد خاصخیلی اور ایک نامعلوم شخص کو نامزد کیا گیا ہے۔ مدعی کے مطابق ملزم کا ان کے والد سے لین دین کا تنازع چل رہا تھا۔
دوسرا واقعہ بلدیہ ٹاؤن میں پیش آیا، جہاں 18 سالہ نوجوان خان کو گولی مار کر ہلاک کیا گیا۔ ابتدائی طور پر اسے ڈکیتی کے دوران مزاحمت کا واقعہ سمجھا گیا، تاہم پولیس کے مطابق یہ ٹارگٹ کلنگ معلوم ہوتی ہے۔ قتل کا مقدمہ نامعلوم ملزمان کے خلاف درج کر لیا گیا ہے
امریکا کا جوہری دھماکوں کے تجربات کا کوئی منصوبہ نہیں، وزیرِ توانائی
کینیڈا ،بھارتی طلبہ کے اسٹڈی ویزے مسترد ہونے میں ریکارڈ اضافہ
