متحدہ عرب امارات (یو اے ای) کے اعلیٰ سطحی وفد نے آرمی چیف جنرل سید عاصم منیر سے ملاقات کی اور ان کی والدہ کے انتقال پر گہرے دکھ اور افسوس کا اظہار کیا۔
یو اے ای کے صدر شیخ محمد بن زاید النہیان کی ہدایت پر یہ وفد پاکستان آیا۔ اس وفد کی قیادت شیخ نہیان بن مبارک النہیان نے کی، جبکہ وفد میں یو اے ای کے وزیر مملکت برائے خارجہ امور بھی شامل تھے۔ملاقات کے دوران، شیخ نہیان نے آرمی چیف سے شیخ محمد بن زاید النہیان کی جانب سے تعزیت کا پیغام پہنچایا اور ان کی والدہ کے انتقال پر گہری ہمدردی کا اظہار کیا۔ وفد نے آرمی چیف جنرل عاصم منیر کی والدہ کے بلند درجات کے لیے دعا بھی کی۔
آرمی چیف جنرل عاصم منیر نے یو اے ای کے وفد کی تعزیتی ملاقات پر ان کا شکریہ ادا کیا اور یو اے ای کے صدر اور دیگر عہدیداروں کی جانب سے دکھائے گئے ہمدردی کے جذبات کو سراہا۔
