کراچی: متحدہ عرب امارات (یو اے ای)نے پاکستان کو دو ارب ڈالر کا قرضہ مزید ایک سال کے لیے رول اوور کر دیا۔
باغی ٹی وی : اسٹیٹ بینک آف پاکستان نے تصدیق کی ہے کہ متحدہ عرب امارات نے جنوری 2024 میں میچور ہونے والے پاکستان کے ایک ایک ارب ڈالر کے دو ڈیپازٹ مزید ایک سال کے لیے رول اوور کر دئیے ہیں،پاکستان کو یہ 2ارب ڈالر جنوری میں یو اے ای کو ادا کرنا تھے۔
https://x.com/StateBank_Pak/status/1747592238677598277?s=20
اس حوالے سے نگران وزیراعظم نے صدر متحدہ عرب امارات کو خط لکھا تھاوزیراعظم آفس اور وزارت خزانہ کی قرض رول اوور کرانے کیلئے بات چیت جاری تھی اور حکام رواں ہفتے 2 ارب ڈالر قرض مؤخر ہونے کیلئے پرامید تھے،یواےای کو 1 ارب ڈالر پر 3فیصد، ایک ارب ڈالر پر 6.5 فیصد منافع ادا کیا جائےگا۔
پاکستان کو آئی ایم ایف سے 70 کروڑ ڈالر کی قسط موصول
دوسری جانب پاکستان کو انٹرنیشنل مانیٹری فنڈ (آئی ایم ایف) کی جانب سے 70کروڑ ڈالر کی قسط موصول ہوگئی جس سے پاکستانی زرمبادلہ کے ذخائر میں اضافہ ہو گیا آئی ایم ایف ایگزیکٹیو بورڈ نے گزشتہ ہفتےاقتصادی جائزےکی منظوری دی تھی ، اسٹیٹ بینک نے رقم موصول ہونے کی تصدیق کر دی ہے حکام اسٹیٹ بینک کے مطابق پاکستان کو جاری کردہ رقم 1.9 ارب ڈالرہوگئی، اسٹیٹ بینک کے حکام کے مطابق آخری اقتصادی جائزےکےبعدپاکستان کومزید1.1ارب ڈالرملیں گے۔