اوچ شریف: سابق کونسلر سردار مسو خان بلدیاتی انتخابات میں یوسی چیئرمین الیکشن کالڑیں گے

اوچ شریف،باغی ٹی وی (نامہ نگار حبیب خان) یونین کونسل اوچ بخاری کے سابق کونسلر سردار مسو خان نے آئندہ بلدیاتی انتخابات میں چیئرمین یونین کونسل کے عہدے کے لیے الیکشن میں حصہ لینے اور اپنا علیحدہ پینل تشکیل دینے کا اعلان کیا ہے،

میڈیا کے ساتھ گفتگو کرتے ہوئے انہوں نے کہا کہ اپنے لیڈر سابق وفاقی پارلیمانی سیکرٹری مخدوم سید علی حسن گیلانی، ایم پی اے حلقہ پی پی 250 سید عامر علی شاہ اور اپنے تمام دوستوں اور یونین کونسل بھر کی برادریوں سے مشاورت کے بعد جلد اپنے اگلے سیاسی لائحہ عمل کا اعلان کروں گا،

انہوں نے کہا کہ یونین کونسل کی تعمیر و ترقی مشن ہے، انشاء منتخب ہو کر علاقہ کی تمام تر محرومیوں کا ازالہ کریں گے، انہوں نے کہا کہ اپنے ہر دلعزیز عوامی لیڈر مخدوم سید علی حسن گیلانی کے اصرار پر چیئرمین یونین کونسل کا الیکشن لڑنے کا فیصلہ کیا ہے

اس فیصلہ میں اپنی برادری سمیت دیگر تمام برادریوں کی بھر پور حمایت اور اعتماد بھی حاصل ہے۔ یاد رہے کہ قبل ازیں یونین کونسل اوچ بخاری سے چیئرمین کے عہدے کے لیے سید حسنات مزمل بخاری اپنی سیاسی مہم چلا رہے تھے،