اوچ شریف (باغی ٹی وی ،نامہ نگارحبیب خان) عباسیہ روڈ پر ایک افسوسناک حادثے میں 8 سالہ بچہ تیزرفتار ٹریکٹر ٹرالی کی زد میں آ کر جاں بحق ہو گیا۔
تفصیلات کے مطابق اوچ شریف عباسیہ روڈ پر ایک تیز رفتار ٹریکٹر ٹرالی نے سائیکل سوار 8 سالہ بچے کو زور دار ٹکر دے ماری، جس کے نتیجے میں اوچموغلہ کے رہائشی محمد عاشق کا بیٹا شدید زخمی ہو گیا۔
مقامی افراد نے فوری طور پر بچے کو رورل ہیلتھ سنٹر اوچ شریف پہنچایا مگر وہ زخموں کی تاب نہ لاتے ہوئے جاں بحق ہو گیا۔ حادثے کے بعد ٹریکٹر ٹرالی کا ڈرائیور موقع سے فرار ہو گیا جس کی تلاش جاری ہے۔
اس دلخراش واقعے نے علاقے میں غم کی فضا پیدا کر دی ہے جبکہ مقامی انتظامیہ ڈرائیور کو گرفتار کرنے کے لئے کارروائی کر رہی ہے۔
