اوچ شریف (باغی ٹی وی ،نامہ نگار حبیب خان )تحصیل احمد پور شرقیہ کے شہریوں کو پاسپورٹ بنوانے کے لیے بہاولپور کا طویل اور مشکل سفر کرنا پڑ رہا ہے۔ پاسپورٹ آفس نہ ہونے کی وجہ سے شہریوں کو نہ صرف وقت اور پیسے کی ضیاع ہو رہا ہے بلکہ انہیں مختلف مشکلات کا بھی سامنا کرنا پڑ رہا ہے۔
مقامی لوگوں کا کہنا ہے کہ بہاولپور میں پاسپورٹ آفس میں طویل قطاریں اور ٹاؤٹ مافیا کی موجودگی نے صورتحال کو مزید پیچیدہ بنا دیا ہے۔ بہت سے لوگ اپنے اہم کاموں سے وقت نکال کر پاسپورٹ بنوانے کے لیے بہاولپور جاتے ہیں جس کی وجہ سے انہیں مالی نقصان بھی اٹھانا پڑتا ہے۔
احمد پور شرقیہ کی ایک خاتون کا کہنا ہے کہ "میں اپنا پاسپورٹ بنوانے کے لیے پاسپورٹ بنوانے کے لیے بہاولپور گئی تھی۔ وہاں مجھے کئی گھنٹے قطار میں لگنا پڑا اور آخر میں مجھے ٹاؤٹ کی مدد لینی پڑی۔”
مقامی نمائندوں سے جب اس بارے میں پوچھا گیا تو انہوں نے کہا کہ وہ اس مسئلے کو حل کرنے کے لیے کوشش کر رہے ہیں اور جلد ہی اس حوالے سے اچھی خبر آنے کی امید ہے۔
احمد پور شرقیہ میں پاسپورٹ آفس نہ ہونے سے شہریوں کو شدید مشکلات کا سامنا ہے۔ حکومت کو اس مسئلے کو حل کرنے کے لیے فوری اقدامات کرنے چاہئیں تاکہ شہریوں کو سہولت فراہم کی جا سکے
یاد رہے کہ تحصیل احمد پور شرقیہ ضلع بہاولپور کی سب سے بڑی تحصیل ہے اور 36 یونین کونسلز پر مشتمل ہے، ابھی تک پاسپورٹ آفس کی سہولت سے محروم ہے.
