اوچ شریف (باغی ٹی وی،نامہ نگارحبیب خان) اوچ شریف کے نواحی علاقے موضع مانک میں ڈکیتی کی واردات کے دوران مزاحمت پر ڈاکوؤں نے فائرنگ کر کے ایک شخص کو زخمی کر دیا۔ ریسکیو 1122 کنٹرول روم کے مطابق اطلاع شام 8 بج کر 57 منٹ پر موصول ہوئی، جس پر ریسکیو یونٹ BPA-27 صرف 17 منٹ میں جائے وقوعہ پر پہنچ گیا۔
ریسکیو ذرائع کے مطابق لواحقین نے بتایا کہ ظفراقبال ولد اللہ ودھایا عمر 45 سال ساکن موضع مانک نوشہرہ، کو ڈاکوؤں نے مزاحمت پر دونوں ٹانگوں پر گولیاں مار دیں۔ ریسکیو ٹیم نے جائے وقوعہ پر ابتدائی طبی امداد فراہم کرتے ہوئے زخمی کو فوری طور پر آر ایچ سی اوچ شریف منتقل کر دیا۔
جبکہ پولیس نے واقعے کی تفتیش شروع کر دی ہے۔
