اوچ شریف، باغی ٹی وی( نامہ نگارحبیب خان) ٹریکٹر اور آئل ٹینکر کے درمیان تصادم میں 60 سالہ شخص جانبحق
اوچ شریف کے ایل پی روڈ سوئی گیس پائپ لائن کے مقام پر ٹریکٹر اور آئل ٹینکر کے درمیان تصادم کے نتیجے میں 60 سالہ شخص امیر بخش جانبحق ہو گئے۔ قومی شاہراہ سوئی گیس پائپ لائن کے مقام پر ایک آئل ٹینکر نے ٹریکٹر کو پیچھے سے ٹکر مار دی، جس سے ٹریکٹر پر سوار 60 سالہ شخص امیر بخش حادثے کے دوران ٹریکٹر سے گر کر آئل ٹینکر کے نیچے آ گئے اور سر میں شدید چوٹیں آئیں۔
ریسکیو ذرائع کے مطابق، ریسکیو ٹیم نے فوری طور پر زخمی شخص کو فرسٹ ایڈ فراہم کی اور اسے مزید علاج کے لیے رورل ہیلتھ سنٹر اوچ شریف منتقل کر دیا۔ تاہم، امیر بخش زخموں کی تاب نہ لاتے ہوئے رورل ہیلتھ سنٹر اوچ شریف میں جانبحق ہو گئے۔
