اوچ شریف،باغی ٹی وی( نامہ نگار حبیب خان )کامریڈ ماڈل ہائر سیکنڈری سکول میں تقریب تقسیم اسناد منعقد ہوئی
اوچ شریف میں کامریڈ ماڈل ہائر سیکنڈری سکول میں فارغ التحصیل طلباء کے لیے اسناد تقسیم کی تقریب منعقد کی گئی۔ اس موقع پر مہمان خصوصی میاں محمد عامر صدیقی، صدر پی سی ڈیجیٹل میڈیا گروپ، نے جدید تعلیم، آن لائن اسکلز، اور مصنوعی ذہانت (AI) کی اہمیت پر خطاب کیا۔
دیگر مہمانانِ خصوصی میں فاروق احمد ملک، چیف ایگزیکٹو، خواجہ سہیل عباس، اور عبدالباسط شامل تھے۔ سکول کے بانی محمد عثمان غنی نے ادارے کی کارکردگی اور تعلیمی معیار پر تفصیل سے روشنی ڈالی۔
تقریب کے دوران طلباء کو ان کی کامیابیوں پر اسناد دی گئیں اور پیشہ ورانہ زندگی میں کامیابی کے لیے نیک تمناؤں کا اظہار کیا گیا۔ میاں محمد عامر صدیقی نے طلباء کو جدید ٹیکنالوجی اور مہارتوں کے استعمال کی اہمیت پر زور دیتے ہوئے مستقبل میں کامیابی کے لیے حوصلہ افزائی کی۔
تقریب کا اختتام طلباء کی حوصلہ افزائی اور سکول کی کارکردگی کی تعریف کے ساتھ کیا گیا، جس سے علاقے میں تعلیمی ترقی کی ایک مثبت مثال قائم ہوئی۔
