اوچ شریف (باغی ٹی وی، نامہ نگار حبیب خان) رورل ہیلتھ سینٹر اوچ شریف میں اپنی شاندار پیشہ ورانہ خدمات کے اعتراف میں میڈیکل آفیسر ڈاکٹر محمد شاہد قریشی کو 17ویں گریڈ سے ترقی دے کر 18ویں گریڈ میں تعینات کر دیا گیا۔ ان کی ترقی کی خبر سنتے ہی شہر بھر میں خوشی کی لہر دوڑ گئی اور شہریوں کی طرف سے مبارکبادوں کا تانتا بندھ گیا۔
ڈاکٹر محمد شاہد قریشی کی ترقی کی خبر سنتے ہی شہر کے سیاسی، سماجی اور طبی حلقوں میں خوشی کی لہر دوڑ گئی۔ متعدد معززین، سماجی کارکنان اور شعبہ صحت سے تعلق رکھنے والے افراد نے انہیں مبارکباد دی اور نیک تمناؤں کا اظہار کیا۔ مقامی عمائدین نے ان کی ترقی کو اوچ شریف کے عوام کے لیے ایک خوش آئند خبر قرار دیا اور امید ظاہر کی کہ وہ اپنی خدمات کو مزید جوش و جذبے کے ساتھ جاری رکھیں گے۔
شہریوں نے ڈاکٹر محمد شاہد قریشی کی خدمات کو سراہتے ہوئے کہا کہ وہ ایک محنتی اور فرض شناس ڈاکٹر ہیں جنہوں نے ہمیشہ مریضوں کی خدمت کو ترجیح دی ہے۔ انہوں نے ڈاکٹر صاحب کی ترقی پر خوشی کا اظہار کرتے ہوئے کہا کہ یہ ان کی بہترین کارکردگی کا صلہ ہے۔
ڈاکٹر محمد شاہد قریشی نے اپنی ترقی پر اللہ کا شکر ادا کرتے ہوئے کہا کہ وہ اپنی ذمہ داریاں مزید لگن اور محنت سے نبھائیں گے۔ انہوں نے اپنے ساتھیوں اور اہل علاقہ کا بھی شکریہ ادا کیا جنہوں نے ان کی حوصلہ افزائی کی۔
