اوچ شریف،باغی ٹی وی(نامہ نگارحبیب خان) سید جلال الدین شاہ دربار کے ساتھ واقع حجرے میں اچانک آگ بھڑک اٹھی، جس کے نتیجے میں ایک شخص جھلس کر جاں بحق ہو گیا۔
ریسکیو 1122 کے اہلکاروں نے موقع پر پہنچ کر آگ پر قابو پایا، جہاں جھلسی ہوئی لاش برآمد ہوئی۔ متوفی کی شناخت منور حسین ولد کملو، سکنہ خیرپور ڈاہا، اوچ شریف کے طور پر ہوئی۔
ریسکیو حکام کے مطابق آگ لگنے کی اطلاع ایک نامعلوم شخص نے دی، تاہم اس نے واقعے کی مزید تفصیلات فراہم نہیں کیں۔ پولیس نے لاش کو پوسٹ مارٹم کے لیے ہسپتال منتقل کر کے تحقیقات کا آغاز کر دیا ہے تاکہ آگ لگنے کی وجوہات معلوم کی جا سکیں۔
