اوچ شریف (باغی ٹی وی، نامہ نگار حبیب خان) ڈسٹرکٹ ایمرجنسی آفیسر باقر حسین کی ہدایت پر ریسکیو اینڈ سیفٹی آفیسر محمد رفیق کی نگرانی میں ریسکیو ٹیم نے حاجی فیض انڈسٹری اور عاربی پیٹرولیم سروسز کے چیئرمین حاجی محمد ایوب عاربی سے ایک اہم ملاقات کی۔
ریسکیو اسٹاف ممبر محمد قاسم (LFR) اور ٹیم نے انڈسٹریز میں فائر سیفٹی اور حفاظتی تدابیر پر تفصیلی گفتگو کی۔ فائر سیفٹی کے بنیادی اصول، ایمرجنسی رسپانس، اور حادثات سے بچاؤ کے لیے عملی اقدامات پر زور دیا گیا۔ ریسکیو ٹیم نے انڈسٹریز میں ملازمین کی حفاظت کو یقینی بنانے کے لیے اپنی حکمت عملی شیئر کی، اور فوری ردعمل کی اہمیت پر روشنی ڈالی۔
چیئرمین حاجی محمد ایوب عاربی نے اس اقدام کو سراہتے ہوئے کہا کہ انڈسٹریز میں فائر سیفٹی اور ایمرجنسی رسپانس کی تربیت نہایت اہم ہے۔ اس سے نہ صرف حادثات کی روک تھام ممکن ہو گی بلکہ ملازمین میں حفاظتی شعور بھی اجاگر ہو گا۔
ریسکیو ٹیم نے یقین دہانی کرائی کہ انڈسٹریز میں فائر سیفٹی کے مکمل سروے کیے جائیں گے اور حفاظتی اقدامات کو مزید بہتر بنانے کے لیے خصوصی ٹریننگ سیشنز منعقد کیے جائیں گے۔ حاجی ایوب عاربی نے مکمل تعاون کا وعدہ کرتے ہوئے کہا کہ اس طرح کی تربیت انڈسٹریز کے حفاظتی معیار کو بلند کرنے میں مددگار ثابت ہو گی۔
یہ اقدام انڈسٹریز کی سطح پر حفاظتی تدابیر کو مضبوط بنانے اور ایمرجنسی حالات میں مؤثر ردعمل کی تیاری کے لیے اہم سنگ میل ثابت ہو گا۔
