اوچ شریف (نامہ نگارحبیب خان) ایڈمنسٹریٹر نوید حیدر نے عوامی شکایات پر مختلف ہوٹلز کا دورہ کیا، کم وزن روٹی اور غیر معیاری کھانے فروخت کرنے پر دو پوائنٹس کو جرمانہ عائد کیا جبکہ صفائی کے ناقص انتظامات پر متعدد ہوٹلز کو وارننگ دی۔
ایڈمنسٹریٹر نے ہوٹل مالکان کو سختی سے ہدایت کی کہ عوامی سہولت اور حفظان صحت کے اصولوں پر عمل کریں اور جائز طریقے سے کاروبار کریں۔ انہوں نے واضح کیا کہ عوامی شکایات پر کسی قسم کی رعایت نہیں دی جائے گی۔
مزید برآں میونسپل کمیٹی کے ملازمین کو الشمس چوک سمیت دیگر علاقوں کی صفائی پر شاباش دیتے ہوئے صفائی کے عمل کو مزید بہتر کرنے کی ہدایت دی۔
