اوچ شریف: خیر پور ڈاہا جلال پور ایکسپریس روڈ پر موٹر سائیکل اور کار میں تصادم، دو افراد زخمی

اوچ شریف،باغی ٹی وی (نامہ نگارحبیب خان ) خیر پور ڈاہا جلال پور ایکسپریس روڈ پر موٹر سائیکل اور کار میں تصادم، دو افراد زخمی

اوچ شریف میں خیر پور ڈاہا جلال پور ایکسپریس روڈ پر ایک کار اور موٹر سائیکل کے درمیان تصادم ہوا، جس میں دو افراد زخمی ہو گئے۔
ریسکیو ذرائع کے مطابق ایک کار سڑک کے کنارے کھڑی تھی اور موٹر سائیکل سوار اچانک موڑ کاٹتے ہوئے بے قابو ہو کر کار سے ٹکرا گیا۔

تصادم میں زخمی ہونے والے افراد کی شناخت مظفر حسین اور گلشد خان کے طور پر ہوئی جو کہ بہادر پور کے رہائشی ہیں۔حادثے کی اطلاع ملتے ہی ریسکیو 1122 کی ٹیم موقع پر پہنچ گئی اور زخمیوں کو فوری طور پر طبی امداد فراہم کرتے ہوئے مقامی ہسپتال منتقل کر دیا۔