اوچ شریف: خیرپور ڈاہا پٹرولنگ پولیس نے اشتہاری ملزم کوگرفتار کرلیا

اوچ شریف،باغی ٹی وی(نامہ نگارحبیب خان) خیرپور ڈاہا پٹرولنگ پولیس نے بڑی کارروائی کرتے ہوئے اشتہاری ملزم رضا حسین ولد اللہ داد بلوچ کو گرفتار کر لیا۔ ملزم تھانہ سٹی لودھراں میں درج مقدمہ نمبر 1944/23 میں مطلوب تھا۔

اے ایس آئی محمد ساجد گھلیجہ کی قیادت میں پولیس ٹیم نے جدید ٹیکنالوجی کی مدد سے محض چند گھنٹوں میں ملزم کو ٹریس کر کے گرفتار کر لیا۔ پولیس کے مطابق یہ کارروائی علاقے میں امن و امان کی بحالی کے لیے اہم سنگ میل ثابت ہوگی۔

پولیس نے ملزم کو گرفتار کرکے تھانہ دھوڑکوٹ کے حوالے کر دیا، جہاں اس کے خلاف مزید قانونی کارروائی کی جا رہی ہے۔

اے ایس آئی محمد ساجد گھلیجہ نے اس کامیابی کا کریڈٹ پولیس کی محنت اور جدید ٹیکنالوجی کے موثر استعمال کو دیا۔ انہوں نے عوام سے اپیل کی کہ وہ پولیس کے ساتھ تعاون کریں تاکہ جرائم کے خاتمے کے لیے مزید کامیابیاں حاصل کی جا سکیں۔