اوچ شریف (باغی ٹی وی، نامہ نگار حبیب خان): اوچ شریف کے نواحی علاقے زندہ لعل خان میں تین مسلح ڈاکوؤں نے ایک تاجر کو لاکھوں روپے کی نقدی سے لوٹ لیا۔
ڈاکو واردات کے بعد فرار ہو رہے تھے کہ اس دوران فدا حسین نامی شخص نے مزاحمت کی، جس پر ڈاکوؤں نے فائرنگ کر دی۔ فائرنگ کے نتیجے میں فدا حسین کو پنڈلی میں گولی لگنے سے شدید زخمی ہوگیا۔
زخمی کو فوری طور پر رورل ہیلتھ کمپلیکس اوچ شریف منتقل کیا گیا جہاں اس کا علاج جاری ہے۔ پولیس نے واقعہ کا نوٹس لیتے ہوئے ملزمان کی گرفتاری کے لیے چھاپے مارنے شروع کر دیے ہیں۔
