اوچ شریف:موٹر سائیکل حادثہ، ایک شخص جاں بحق، ایک شدید زخمی

اوچ شریف (باغی ٹی وی،نامہ نگارحبیب خان)اوچ شریف کے نواحی علاقے حیدر پور میں واقع گورنمنٹ بوائز ہائی سکول روڈ پر ایک افسوسناک حادثہ پیش آیا ہے۔ موٹر سائیکل سوار نے پیدل سڑک پار کرنے والے ایک شخص کو ٹکر مار دی، جس کے نتیجے میں دونوں افراد شدید زخمی ہو گئے۔

حادثے کا شکار ہونے والے پیدل چلنے والے شخص کی شناخت غلام قمر ولد کرم عباس جو ضلع مظفرگڑھ کی تحصیل علی پور کا ہے کے نام سے ہوئی ہے۔ ان کے سر پر گہری چوٹ آئی تھی اور اسے فوری طور پر ٹی ایچ کیو احمد پور منتقل کیا گیا ہے۔

دوسری جانب موٹر سائیکل سوار جاوید حسن ولد خواجہ زاہد حسین عمر 46 سال جو کہ اوچ شریف ہی کا رہائشی تھا کو بھی شدید چوٹیں آئیں اور وہ موقع پر ہی جاں بحق ہو گیا۔

حادثے کی اطلاع ملتے ہی ریسکیو 1122 کی ٹیم موقع پر پہنچی اور زخمی شخص کو فوری طبی امداد فراہم کی۔ پولیس نے لاش کو قبضے میں لے کر قانونی کارروائی شروع کر دی ہے۔