ڈاکٹرغلام مصطفی بڈانی
اوچ شریف،باغی ٹی وی (نامہ نگار حبیب خان) اوچ شریف کے نواحی علاقے نلکہ اڈا بکھری روڈ پر تھانہ صدرعلی پور کی حدود میں ایک نوجوان کی تشدد زدہ لاش برآمد ہوئی ہے، جس سے علاقے میں خوف و ہراس پھیل گیا۔
تفصیلات کے مطابق مقامی افراد نے صبح کے وقت نلکہ اڈ بکھری روڈ پر ایک نامعلوم نوجوان کی لاش دیکھ کر پولیس کو اطلاع دی۔ اطلاع ملتے ہی تھانہ علی پور صدر کی پولیس موقع پر پہنچ گئی اور لاش کو اپنی تحویل میں لے کر پوسٹ مارٹم کے لیے قریبی ہسپتال منتقل کر دیا۔ پولیس ذرائع کے مطابق مقتول کی شناخت اور قتل کی وجوہات جاننے کے لیے تفتیش کا آغاز کر دیا گیا ہے۔ ابتدائی طور پر لاش پر تشدد کے نشانات دیکھے گئے ہیں، جس سے یہ اندازہ لگایا جا رہا ہے کہ نوجوان کو قتل کر کے لاش یہاں پھینکی گئی۔
دوسری جانب علاقے کے شہریوں میں خوف و ہراس پایا جا رہا ہے اور وہ پولیس سے فوری طور پر ملزمان کی گرفتاری کا مطالبہ کر رہے ہیں۔
