اوچ شریف (باغی ٹی وی،نامہ نگارحبیب خان) نامعلوم کار کی ٹکر سے موٹر سائیکل سوار نوجوان جاں بحق
تفصیل کے مطابق احمد پور شرقیہ میں افسوسناک حادثہ پیش آیا جہاں 30 سالہ نوجوان بلاول بشیر نامعلوم کار کی ٹکر سے جاں بحق ہو گیا۔ یہ حادثہ چوہدری فلنگ اسٹیشن کے قریب احمد پور روڈ پر پیش آیا۔ ریسکیو ذرائع کے مطابق، بلاول بشیر خدا بخش مہر کا رہائشی تھا۔
ریسکیو ٹیم نے موقع پر پہنچ کر امدادی کارروائیاں شروع کیں جبکہ پولیس نے حادثے کی تحقیقات کا آغاز کر دیا ہے۔ عینی شاہدین کا کہنا ہے کہ حادثہ کار کی تیز رفتاری کے باعث پیش آیا۔ متوفی کی میت ضروری کارروائی کے بعد ورثاء کے حوالے کر دی گئی۔
مقامی انتظامیہ نے شہریوں سے اپیل کی ہے کہ وہ سڑکوں پر احتیاط برتیں اور ٹریفک قوانین کی پابندی کریں تاکہ ایسے افسوسناک حادثات سے بچا جا سکے۔
