اوچ شریف (باغی ٹی وی،نامہ نگار حبیب خان) سجاد عرف کالے خان نے مسجد میں کھلے عام توبہ کر کے نئی زندگی کا آغاز کر دیا
دھوڑ کوٹ میں آج ایک اہم اور روحانی منظر اس وقت سامنے آیا جب موضع ودھنور جھنگڑا شرقی سے تعلق رکھنے والے سجاد عرف کالے خان نے مسجد میں کھلے عام توبہ کرتے ہوئے اپنی سابقہ زندگی سے مکمل رجوع کا اعلان کیا۔
یہ تاریخی لمحہ سابق پارلیمانی سیکرٹری سردار عامر یار وارن کے ڈیرے کے ساتھ واقع مسجد میں بعد نماز جمعہ پیش آیا، جہاں امام مسجد مولانا عبداللہ عباسی نے سجاد خان سے اللہ تعالیٰ کو حاضر ناظر جان کر توبہ کا حلف لیا۔
سجاد عرف کالے خان نے مسجد میں سب کے سامنے کہاکہ”میں اللہ کو حاضر ناظر جان کر اپنی مکمل توبہ کا اعلان کرتا ہوں، آج کے بعد میری نئی زندگی کا آغاز ہے۔”
توبہ کے اس اعلان کی گواہی سردار جہانگیر وارن، صمد یار وارن اور درجنوں مقامی افراد نے دی۔ اس موقع پر خصوصی دعا بھی کی گئی۔ تمام متعلقہ ادارے، بشمول سی سی ڈی، تھانہ دھوڑ کوٹ، اسپیشل برانچ اور دیگر محکمے اس توبہ کا نوٹس لیں۔
یہ اقدام نہ صرف ایک فرد کی اصلاح کی علامت ہے بلکہ سردار عامر یار وارن اور ان کے خاندان کی مثبت قیادت، اصلاحی سوچ اور علاقے میں امن و رواداری کے فروغ کا مظہر بھی ہے۔ علاقے میں اس کھلے عام توبہ کو بے حد سراہا جا رہا ہے۔
