اوچ شریف ,باغی ٹی وی( نامہ نگار حبیب خان) موسم سرما کے آخری ایام میں غیر معیاری قلفیاں اور آئسکریم بیچنے والوں نے دھڑلے سے کاروبار شروع کر دیا، معصوم بچے بیمار، ہسپتالوں میں رش بڑھ گیا، پنجاب فوڈ اتھارٹی خاموش تماشائی۔
شہر اور گردونواح میں مضر صحت کیمیکل اور غیر معیاری رنگوں سے بنی آئسکریم اور قلفیاں فروخت کی جا رہی ہیں، جعلی جوس بھی کھلے عام دستیاب ہیں۔ چھوٹے بچے، خواتین اور بزرگ گیسٹرو، نزلہ زکام، ہیپاٹائٹس اور معدے کی بیماریوں میں مبتلا ہو رہے ہیں۔
عوام کا ڈی جی پنجاب فوڈ اتھارٹی سے فوری نوٹس لینے کا مطالبہ، مضر صحت اشیاء بیچنے والوں کے خلاف سخت کارروائی کی اپیل۔
