اوچ شریف،باغی ٹی وی(نامہ نگارحبیب خان) رمضان المبارک کے بابرکت مہینے میں بھی اوچ شریف کے عوام سستا رمضان بازار سے محروم، مہنگائی کے باعث روزہ داروں کو شدید مشکلات کا سامنا۔
ڈیڑھ لاکھ سے زائد آبادی والے تاریخی و روحانی شہر اوچ شریف میں اس سال بھی سستا رمضان بازار نہ لگ سکا، جس کے باعث غریب اور متوسط طبقہ مہنگائی کے بوجھ تلے دب گیا۔ آٹا، چینی، گھی، دالیں، سبزیاں اور گوشت عوام کی قوتِ خرید سے باہر، ناجائز منافع خوری عروج پر۔
شہریوں کا کہنا ہے کہ دیگر شہروں میں رمضان بازار لگ چکے ہیں، لیکن اوچ شریف کے باسی ہمیشہ کی طرح انتظامیہ کی بے حسی کا شکار ہیں۔ حکومتی دعوے زبانی جمع خرچ ثابت ہو رہے ہیں، جبکہ مقامی انتظامیہ کوئی واضح جواب دینے سے قاصر ہے۔
سماجی، سیاسی اور تجارتی حلقوں کا حکومتِ پنجاب اور ضلعی انتظامیہ سے فوری رمضان بازار کے قیام کا مطالبہ، عوام کا انتباہ: اگر ریلیف نہ دیا گیا تو احتجاج پر مجبور ہوں گے۔
