اوچ شریف:گذشتہ روز جشن عید ملادالنبیﷺعقیدت و احترام سے منایاگیا

اوچ شریف,باغی ٹی وی (نامہ نگارحبیب خان) اوچشریف شہر میں انجمن فیضان مصطفی کے سرپرست جماعت اہلسنت کے صدر و ضلعی امن کمیٹی کے ممبر حاجی غلام یسین سومرو کی سربراہی میں دعوت اسلامی اور انجمن طلباء اسلام کے مشترکہ تعاون سے شہر جبکہ اوچ بخاری میں ولی عہد چیف آف سادات و متوقع امیدوار چیئرمین مخدومزادہ سید حسنات مزمل بخاری ، مخدومزادہ سید علی حیدر بخاری اور مخدومزادہ سید وقاص رضا بخاری کی قیادت میں مخدوم پور اور محمد پور سمیت گردونواح کوٹلہ رحمت شاہ ، بختیاری و دیگر علاقوں سے عید میلاد النبی صلی اللہ علیہ وآلہ وسلم کے موقع پر موٹرسائیکلوں ، رکشوں ، کاروں ، ٹریکٹرٹرالیوں چھوٹے بڑے جلوس اور ریلیاں نکالی گئیں مرکزی جلسہ گاہ کینال ریسٹ ہاؤس اوچشریف کے گراءونڈ میں پہنچے

جس میں عاشقان رسول صلی اللہ علیہ وآلہ وسلم کی کثیر تعداد شریک ہوئی جنہوں نے حبیب خدا حضور پاک نبی اکرم حضرت محمد مصطفی صلی اللہ علیہ وآلہ وسلم کی شان میں لکھے نعروں کے پلے کارڈ ، بینر اور پینافلیکس اٹھا رکھے تھے اور درود و سلام کا ورد کرتے ہوئے نعرے لگا رہے تھے جہاں پر مخادیم سمیت دیگر شخصیات دیگر مہمانان کے ہمراہ حاجی غلام یسین سومرو اور چوہدری محمد فیاض سعیدی کے علاوہ دیگر شہر و گردونواح کے معززین و عمائدین علاقہ سمیت مختلف علاقوں سے آنے والے جلوسوں کے سربراہان کی دستار بندی کراتے ہوئے اعزازی شیلڈ تقسیم کی اور ملک و قوم کے استحکام ، بہتری ، ترقی اور خوشحالی کے لیے خصوصی دعا کرائی

جبکہ اس موقع پر پولیس تھانہ اوچشریف کے انچارج ایس ایچ او مسلم ضیاء کی سربراہی میں سیکورٹی کے فول پروف انتظامات کیے گئے تھے قبل ازیں گزشتہ سے پیوستہ رات شہر کے مرکزی معروف چوک الشمس میں میلاد النبی کی بابرکت محفل جمیعت علمائے اسلام اور اہلسنت والجماعت کے سربراہان کی سر پرستی میں منعقد ہوئیں اس موقع پر چوک کے علاوہ قریبی پولیس تھانہ اوچشریف کی عمارت اور میونسپل کمیٹی کی عمارت سمیت دیگر سرکاری و نجی عمارتوں کو رنگ برنگی روشنیوں کے برقی قمقموں سے سجایا گیا تھا