اوچ شریف ،باغی ٹی وی (نامہ نگار حبیب خان) ریڑھی بانوں، گدھا گاڑیوں، چنگ چی رکشوں اور موٹرسائیکلوں پر نصب لاؤڈ اسپیکرز کی اونچی آوازوں نے شہریوں کا سکھ چین چھین لیا۔ علی الصبح سبزی، کپڑے اور منیاری کا سامان بیچنے کے لیے شور شرابے سے شہری شدید پریشان ہیں۔
حکومت پنجاب کی جانب سے لاؤڈ اسپیکر کے غیر ضروری استعمال پر پابندی کے باوجود انتظامیہ خاموش ہے۔ جبکہ مساجد میں لاؤڈ اسپیکر کے استعمال پر سخت پابندی ہے، مگر ریڑھی بانوں پر کوئی قدغن نہیں۔
شہریوں کا ڈپٹی کمشنر اور ڈی پی او بہاولپور سے فوری نوٹس لینے کا مطالبہ – ان کا کہنا ہے کہ بلاجواز شور پر پابندی عائد کر کے شہریوں کو ذہنی اذیت سے نجات دلائی جائے۔
