اوچ شریف(باغی ٹی وی نامہ نگار، حبیب خان) پیٹرولنگ پولیس کی بروقت کارروائی، سنگین مقدمات میں مطلوب اشتہاری گرفتار
تفصیل کے مطابق پیٹرولنگ پولیس پنجند چوکی نے بڑی کامیابی حاصل کرتے ہوئے سنگین مقدمات میں ملوث اشتہاری ملزم نعمان اشرف کو گرفتار کر لیا۔ یہ کارروائی اے ایس آئی ملک عاصم ریاض کی قیادت میں انجام دی گئی، جس میں ملزم کو ناکہ بندی کے دوران حراست میں لیا گیا۔
ملزم نعمان اشرف کئی سنگین مقدمات میں قانون کو مطلوب تھا اور طویل عرصے سے فرار تھا۔ پیٹرولنگ پولیس نے خفیہ اطلاعات پر کارروائی کرتے ہوئے اس کی نقل و حرکت پر نظر رکھی اور بالآخر ناکہ بندی کے دوران اسے گرفتار کر لیا۔
اس کامیابی پر میڈیا سے گفتگو کرتے ہوئے اے ایس آئی ملک عاصم ریاض نے کہا کہ یہ کارروائی پولیس کے عزم اور پیشہ ورانہ مہارت کا نتیجہ ہے۔ انہوں نے کہا کہ قانون کی عملداری کو یقینی بنانے کے لیے ایسی کارروائیاں مستقبل میں بھی جاری رہیں گی۔
علاقے کے عوام اور پولیس افسران نے پیٹرولنگ پولیس کی اس کامیابی کو سراہا اور امن و امان کی بہتری کے لیے ان کی کوششوں کو قابلِ تحسین قرار دیا۔
