یوفون اور پی ٹی سی ایل کے صدر راشد خان کرونا سے چل بسے

یوفون اور پی ٹی سی ایل کے صدر راشد خان کرونا سے چل بسے

باغی ٹی وی کی رپورٹ کے مطابق پاکستان میں کرونا کی دوسری لہر جاری ہے، کرونا سے اموات اور مریضوں میں مسلسل اضافہ ہو رہا ہے

چیف ایگزیکٹو آفیسر، یوفون اور پی ٹی سی ایل کے صدر راشد خان کرونا کے باعث آج وفات پا گئے، ان میں کرونا کی تشخیص ہوئی تھی اور وہ نجی ہسپتال میں زیر علاج تھے

راشد خان کو یہ اعزاز حاصل تھا کہ انہوں نے ملک کے ٹیلی کام سیکٹر کو تشکیل دینے میں ایک اہم کردار ادا کیا ،راشد خان کچھ ہفتوں سے علیل تھے اور اسلام آباد کے ایک نجی اسپتال میں زیر علاج تھے۔

راشد خان اگست 2017 سے یوفون کے سی ای او تھے۔ گذشتہ ماہ اعلان کیا گیا تھا کہ راشد خان دسمبر 2020 میں سبکدوش ہوجائیں گے۔ لیکن اب انکی کرونا سے موت ہو گئی ہے

اس سے قبل ، وہ جولائی 2008 سے اگست 2014 تک چھ سال موبی لنک کے سی ای او اور صدربھی رہے۔راشد خان نے تقریبا 15 سال مختلف بین الاقوامی کمپنیوں میں کام کیا۔