fbpx

یو ایچ ایس ایمرا کے تعاون سے صحافیوں کو کورونا کی ٹرائل ویکسین لگائے گی

الیکٹرونک میڈیا رپوٹرز ایسوسی ایشن (ایمرا )کی صحافیوں کے لئے ایک اور کاوش یونیورسٹی آف ہیلتھ سائنسز(یو ایچ ایس ) اور ایمرا کے درمیان مفاہمتی یاداشت پر دستخط-

باغی ٹی وی : تفصیلات کے مطابق یونیورسٹی آف ہیلتھ سائنسز اور ایمرا کے درمیان مفاہمتی یاداشت پر دستخط کر دیئے گئے-یونیورسٹی آف ہیلتھ سائنسز ایمرا کے تعاون سے صحافیوں کو کورونا کی ٹرائل ویکسین لگائے گی-

اس موقع پر پروفیسر جاوید اکرم وی سی یو ایچ کا کہنا تھا کہ ایمرا کے تعاون سے صحافیوں کوکورونا ویکسین لگائیں گے صحافیوں کے لئے ایمرا سینٹراور ایمرا ہاؤسنگ سکیم میں قائم ڈسپنسریوں کے لئے ڈاکٹرز بھی مہیا کر یں گے-

ان کا مزید کہنا تھا کہ صحافیوں کے لئے بنائی گئی ڈسپنسریوں میں فری ادویات یو ایچ ایس فراہم کرے گی-

اس موقع پر صدر ایمرا آصف بٹ کا کہنا تھا کہ یونیورسٹی آف ہیلتھ سائنسز کے وائس چانسلر کے صحافیوں کی صحت سے متعلق اعلانات کرنے کے مشکور ہیں –

نیشنل میڈیا ایسوسی ایشن کے چیئرمین چودھری شہباز آرائیں کا یمرا اور یونیورسٹی آف ہیلتھ سائنسز کے معاہدے کو تاریخی معاہدہ قرار دیتے ہوئے کہنا تھا کہ ہم نے ہمیشہ ایمرا کا ساتھ دیا ہے اور آئندہ بھی ان کے شانہ بشانہ کھڑے ہیں-

ایمرا باڈی نے کورونا کے ٹیسٹ اور ٹرائل کی ویکسین لگوانے کے خواہشمند صحافتی ورکرز سے فوری طور پر ایمرا سنٹر میں اپنا نام درج کرانے کا کہا ہے ایمرا باڈی اور یونیورسٹی آف ہیلتھ سائنسز کے معاہدے کے دوران چائینز کمپنی کے نمائندے بھی موجود تھے-

جواب چھوڑیں

آپ کا ای میل ایڈریس شائع نہیں کیا جائے گا.