برطانیہ نے فلسطین کو بطور ریاست تسلیم کرنے کا مشروط اعلان کر دیا ہے، برطانوی وزیراعظم سر کئیر اسٹارمر نے واضح کیا ہے کہ اگر غزہ کی صورتحال نہ بدلی تو برطانیہ اقوام متحدہ جنرل اسمبلی اجلاس سے قبل ستمبر میں فلسطین کو تسلیم کر لے گا۔
لندن میں کابینہ کے ہنگامی اجلاس کے بعد پریس کانفرنس کرتے ہوئے وزیراعظم نے کہا کہ اگر اسرائیل نے غزہ میں جنگ بندی، مغربی کنارے پر قبضے سے گریز، اور دو ریاستی حل پر رضامندی ظاہر نہ کی تو برطانیہ فلسطین کو ریاستی حیثیت دے گا۔سر کئیر اسٹارمر نے مزید کہا کہ اسرائیل اور حماس کے درمیان کوئی برابری نہیں، اور برطانیہ تاحال حماس سے یرغمالیوں کی رہائی کا مطالبہ کر رہا ہے۔ ان کا کہنا تھا کہ حماس کو جنگ بندی اور غزہ کی حکومت میں کوئی کردار ادا نہ کرنے پر آمادہ ہونا ہوگا۔
یاد رہے کہ اس سے قبل فرانس بھی فلسطین کو بطور ریاست تسلیم کرنے کا اعلان کر چکا ہے، جس کے بعد برطانیہ کا یہ بیان مشرق وسطیٰ کے تناظر میں اہم پیش رفت قرار دیا جا رہا ہے۔
بٹگرام میں کارروائی، گدھے کا گوشت برآمد
