برطانیہ نے اپنے شہریوں کے لئے ٹریول ایڈوائزری جاری کی ہے جس میں پاکستان کے کچھ علاقوں کا سفر نہ کرنے کی ہدایت کی ہے
برطانوی فارن آفس کی جانب سے جاری ایڈوائزری میں برطانوی شہریوں کو ہدایت کی گئی ہے کہ وہ پاکستان کے کچھ علاقوں کا کسی صورت سفر نہ کریں، ایڈوائزری میں پاک افغان سرحد سے دس میل دور رہنے کی ہدایت کی گئی ہے اور کہا گیا ہے کہ برطانوی شہری باجوڑ، بنوں، بونیر، چارسدہ، ڈیرہ اسماعیل خان ، خیبر ،کوہاٹ، کرم، لکی مروت، لوئردیر،مہمند، اورکزئی، پشاور، سوات ، ٹانک کی طرف سفر نہ کریں، ایڈوائزری میں کہا گہا کہ شہری اپر اور لوئر جنوبی وزیرستان کے علاقوں میں بھی سفر نہ کریں،برطانوی شہریوں کو ایڈوائزری میں مانسہرہ سے چلاس بذریعہ بٹ گرام ہائی وے پر سفرنہ کرنے کا مشورہ دیا گیا ہے
برطانوی ایڈوائزری میں بشام، داسو، سازن کیلئے N15 پر بھی سفر نہ کرنے کی ہدایت کی گئی اور N45 پر شمالی مردان، رنگ روڈ سے چترال شہر تک بھی نہ جانے کا مشورہ دیا گیا ہے، آزاد کشمیر کی لائن آف کنٹرول سے 10 میل دور رہنے کی ہدایت کی گئی اور شمالی سندھ بشمول نواب شاہ میں ضروری سفر کے علاوہ دیگر مقامات پر سفر نہ کرنے کا مشورہ دیا گیا ہے.
قبل ازیں پانچ جنوری کو کینیڈا نے بھی اپنے شہریوں کے لئے ایڈوائزری جاری کی تھی جس میں غیر ضروری سفر کرنے سے گریز کی ہدایت کی گئی تھی،کینیڈا کی حکومت اور ہائی کمیشن نے اپنے شہریوں کیلئے پاکستان کیلئے سفری ہدایت نامہ جاری کیا تھا، جس کے مطابق پاکستان کے سفر میں بہت زیادہ احتیاط برتنے کا مشورہ دیا گیا ہے،ہدایت نامہ میں کہا گیا تھا کہ پاکستان میں غیر متوقع سکیورٹی صورتحال کے باعث انتہائی احتیاط برتیں، دہشتگردی، بے امنی،فرقہ وارانہ تشدد اور اغوا کا خطرہ ہے اسلئے شہری غیر ضروری سفر سے گریز کریں
درگاہ اجمیر شریف پر خاتون کے ٹھمکے لگانے کی ویڈیو وائرل
ہوشیار،بشری بی بی،عمران خان ،شرمناک خبرآ گئی ،مونس مال لے کر فرار
بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟
صارفین کا کہنا ہے کہ "تنظیم سازی” کرنے والوںکو ٹکٹ سےمحروم کر دیا گیا
