برطانیہ:اسکول میں چاقو سے حملہ، 15 سالہ طالبعلم ہلاک
برطانیہ کے ایک اسکول میں 15 سالہ طالبعلم چاقو کے وار سے شدید زخمی ہونے کے بعد جان کی بازی ہار گیا۔
باغی ٹی وی : برطانوی میڈیا کے مطابق پولیس کو دوپہر 12:17 بجے گرین ویل روڈ پر واقع شیفیلڈ کے آل سینٹس کیتھولک ہائی اسکول میں چاقو کے حملے کی اطلاع دی گئی تھی ساؤتھ یارکشائر پولیس کے مطابق لڑکا شدید زخمی تھا اور ایمبولینس سروس کی بھرپور کوششوں کے باوجود کچھ دیر بعد دم توڑ گیا، پولیس نے اسی عمر کے ایک اور 15 سالہ لڑکے کو حراست میں لے لیا ہے جو اب وقت پولیس کی تحویل میں ہے،پولیس کی تفتیش جاری ہے اور علاقے میں سیکیورٹی کے سخت انتظامات کیے گئے ہیں۔
اسسٹنٹ چیف کانسٹیبل لنڈسے بٹر فیلڈ نے پولیس ہیڈکوارٹر کے باہر میڈیا سے بات کرتے ہوئے کہا، یہ انتہائی افسوسناک لمحہ ہے کہ ہمیں یہ اطلاع دینی پڑ رہی ہے کہ آج شیفیلڈ کے ایک اسکول میں پیش آنے والے واقعے میں ایک نوجوان طالبعلم جاں بحق ہو گیا ہے، ہمارے دل اس کے اہلِ خانہ، دوستوں اور اسکول کمیونٹی کے ساتھ ہیں، ایمرجنسی سروسز کو آج دوپہر 12.17 بجے گرین ویل روڈ، شیفیلڈ پر واقع اسکول میں بلایا گیا تھا-
علی امین کس طرح ویلنٹائن ڈے منائیں گے؟
انہوں نے کہا کہ متاثرہ، ایک 15 سالہ لڑکا، کو شدید چوٹیں آئیں اور ایمبولینس سروس کی بہترین کوششوں کے باوجود، وہ کچھ ہی دیر بعد مر گیا،ایک 15 سالہ لڑکے کو قتل کے شبہ میں گرفتار کیا گیا ہے اور وہ اس وقت ہماری تحویل میں ہےہم جانتے ہیں کہ جو کچھ ہوا ہے وہ اہم پریشانی اور تشویش کا باعث بنے گا۔
افغانستان کی وجہ سے خیبرپختونخوا متاثر ہورہا ہے،علی امین گنڈاپور
انہوں نے مزید کہا کہ پولیس افسران واقعے کی مکمل تفصیلات جاننے کے لیے تیزی سے تحقیقات کر رہے ہیں ہم جانتے ہیں کہ اس واقعے نے والدین، طلباء اور مقامی کمیونٹی میں شدید پریشانی اور دکھ پیدا کیا ہےانہوں نے عوام سے اپیل کی کہ وہ سوشل میڈیا پر واقعے کی دل خراش تصاویر یا ویڈیوز شیئر کرنے سے گریز کریں ہم عوام سے گزارش کرتے ہیں کہ اگر کسی کے پاس اس واقعے سے متعلق کوئی اہم معلومات ہوں تو فوری طور پر پولیس سے رابطہ کریں تاکہ انصاف کی راہ ہموار ہو سکے۔
ایک شناختی کارڈ پر سہ فریقی سیریز کےلیے 10 ٹکٹ خریدے جاسکتے ہیں،قیمت کتنی؟
