سعودی عرب کی میزبانی میں امریکا اور یوکرین کے مذاکرات ہوئے جس میں یوکرین نے امریکا کی 30دن کی عارضی جنگ بندی کی تجویز قبول کر لی ہے۔
مشترکہ اعلامیے کے مطابق امریکا یوکرین کو انٹیلی جنس شیئرنگ پر پابندی ختم کرے گا،امریکا یوکرین کو سیکیورٹی معاونت بھی دوبارہ فراہم کرے گا۔امریکا اور یوکرین نے مذاکراتی ٹیموں کا تعین اورپائیدار امن کیلئے فوری طور پر مذاکرات شروع کرنے پر بھی اتفاق کیا۔امریکا نے تجاویز پر روس سے بات چیت کا عہد کیا،یوکرین یورپی پارٹنرز کو امن عمل میں شامل کرے گا،امریکا اور یوکرین نے معدنی ذخائر کا معاہدہ بھی جلد کرنے پر اتفاق کیا۔
یاد رہے کہ اس سے قبل امریکا کے صدر ڈونلڈ ٹرمپ کے خصوصی مندوب اسٹیو وٹکوف نے دعویٰ کیا کہ یوکرین کے صدر ولودومیر زیلنسکی نے اوول آفس میں تلخ کلامی پر ٹرمپ سے معافی مانگ لی ہے۔امریکی صدر کے خصوصی مندوب اسٹیو وٹکوف کے مطابق زیلنسکی نے ڈونلڈ ٹرمپ کو ایک خط بھیج کر وائٹ ہاؤس میں پیش آئے واقعہ پر معذرت کی ہے۔ یہ خط ایک ایسے وقت میں آیا ہے جب امریکا اور یوکرین کے تعلقات میں تناؤ دیکھنے میں آ رہا ہے۔
گزشتہ دنوں وائٹ ہاؤس میں ہونے والی ایک ملاقات کے دوران امریکی صدر ڈونلڈ ٹرمپ اور یوکرینی صدر ولودومیر زیلنسکی کے درمیان تلخ جملوں کا تبادلہ ہوا۔ رپورٹ کے مطابق یہ ملاقات جھگڑے کی صورت اختیار کر گئی تھی، جس کے بعد ٹرمپ نے زیلنسکی کو وائٹ ہاؤس سے باہر بھیج دیا اور کہا کہ جب وہ امن کے لیے تیار ہوں گے، تب ہی واپس آسکتے ہیں۔
ایلون مسک کی دولت میں اچانک اربوں ڈالرز کی کمی
بھارتی یونیورسٹی کے قریب دیوار پر ‘آزاد کشمیر’ اور ‘آزاد فلسطین’ کے نعرے درج
