یوکرین ،روس سے جنگ ختم کرنے کیلئے بات چیت کرے،پوپ فرانسس

پوپ فرانسس نے یوکرین سے مطالبہ کیا ہے کہ وہ روس سے جنگ ختم کرے ، تاہم اس پر یوکرینی صدر ولادیمیر زیلینکسی کا ردعمل سامنے نہیں آیا ہے۔

باغی ٹی وی : غیر ملکی میڈیا رپورٹ کے مطابق پوپ فرانسس کا اپنے ایک انٹرویو میں کہنا تھا کہ یوکرین سفید جھنڈا دکھاتے ہوئے حوصلہ دکھائے اور روس سے جنگ ختم کرنے کے لیے بات چیت کرے، دو سال سے جاری اس جنگ میں ہزاروں شہری لقمہ اجل بن چکے ہیں-

ان کا کہنا تھا کہ یہ ایک تشریح ہے، تاہم حقائق پر مبنی ہے،میرے خیال میں طاقتور وہ ہے، جو کہ صورتحال کو دیکھے اور لوگوں کے بارے میں سوچے، اس کے پاس سفید جھنڈا لہرانے اور بات چیت کا حوصلہ ہو ۔

کے پی میں صحت کارڈ کا استعمال سرکاری اسپتالوں تک محدود رکھنے کا فیصلہ

واضح رہے کہ گزشتہ سال بھی 87 سالہ پوپ فرانسس نے امن ایلچی کارڈینال میٹیو کو روس اور یوکرین کے دارالحکومت بھیجا تھا، جبکہ واشنگٹن بھی بھیجا تھا۔

چینی صدر کی نومنتخب پاکستانی ہم منصب کو مبارکباد

رمضان المبارک کیلئے سرکاری دفاتر کے اوقات کار کا نوٹیفکیشن جاری