ٹیسٹ کرکٹر عمر اکمل ٹیم میں شامل نہ کرنے پر سخت غصے میں آ گئے اور پاکستان کرکٹ بورڈ کو شدید تنقید کا نشانہ بنا ڈالا۔
اپنے یوٹیوب چینل پر عمر اکمل نے فٹنس ٹیسٹ کے معیار پر بھی تنقید کرتے ہوئےکہا کہ کچھ سینئر کھلاڑی اور کوچز نے کبھی فٹنس ٹیسٹ دیے ہی نہیں۔ہمیں بتایا جاتا ہےکہ ہم بہت بوڑھے ہوگئے ہیں، نہ کھیل سکتے ہیں اور نہ ہی مینٹور بننے کے قابل ہیں، لیکن43، 45 سال کے کھلاڑی اب بھی کھیل رہے ہیں، ایسے میں ہم کیا کریں خودکو گولی مارلیں؟عمر اکمل نے شعیب ملک پر تنقید کی اور کہا کہ کچھ سینئرز کرکٹرز صرف پی ایس ایل کھیلنے کے لیے خود کو تیار کرتے ہیں اور نوجوان ٹیلنٹ کو موقع نہیں ملتا۔ پی ایس ایل میں جب معروف کھلاڑیوں کو نہیں کھلایا جائےگا تو شائقین کیوں اسٹیڈیم آئیں گے؟
عمر اکمل کا کہنا تھا کہ ان سمیت احمد شہزاد اور صہیب مقصود کو صرف اس وجہ سے نظرانداز کیا جا رہا ہے کیونکہ وہ 34 سال کے قریب ہیں جب کہ اس سے بڑی عمر کے کھلاڑی اب بھی کھیل رہے ہیں۔ عمر اکمل نے الزام لگایا کہ پی سی بی کی جانب سے کھلاڑیوں کے انتخاب میں عمر کی بنیاد پر امتیاز برتا جا رہا ہے۔عمر اکمل نے بابراعظم کو بھی مشورہ دیتے ہوئےکہا کہ اسے نمبر 3 پر بیٹنگ کرنی چاہیے، بابر بہترین کرکٹر ہے لیکن اگر وہ کارکردگی بہتر نہیں کرے گا تو مسائل کا سامنا ہو سکتا ہے، پی ایس ایل 10 اس کے کریئرکے لیے اہم موقع ہے۔
مصطفی عامر قتل کیس،ملزم ارمغان کیخلاف مزید اہم انکشافات
راولپنڈی ، ہمسائےکی 13 سالہ یتیم لڑکی کے ساتھ زیادتی، مقدمہ درج
کے پی کے میں موٹروے پر گاڑی پر فائرنگ،سینئر سول جج بہنوئی سمیت قتل
سندھ ،ناقص کمرشل گاڑیوں کی رجسٹریشن کی منسوخ کرنے کا فیصلہ
