سیلاب:اقوام متحدہ نے پاکستان کیلئے انسانی امداد کی اپیل میں 5 گنا اضافہ کر دیا

اقوام متحدہ نے موسمیاتی تبدیلیوں سے آنے والے سیلاب کی تباہ کاریوں کے باعث پاکستان کے لیے انسانی امداد کی اپیل میں 5 گنا اضافہ کر دیا۔

باغی ٹی وی: خبر ایجنسی کے مطابق اقوام متحدہ نے امداد کی اپیل 16 کروڑ ڈالر سے بڑھا کر 81 کروڑ 60 لاکھ ڈالر کر دی ہے، امداد میں اضافے کی اپیل جینیوا میں آج یو این اور پاکستان کی جانب سے مشترکہ طور پر پیش کی جائے گی۔

فلوریڈا میں طوفان آئی این سے ہلاکتوں کی تعداد 77 ہو گئی

رپورٹس کے مطابق اقوام متحدہ کے عہدیدار کا کہنا ہے کہ پاکستان بدترین سیلاب کے بعد پانی سے پیدا ہونے والی بیماریوں سے نبرد آزما ہے جس میں مدد کے لیے امداد میں اضافے کی اپیل کی جا رہی ہے۔

پاکستان کے لیے اقوم متحدہ رابطہ افسر جولیئن ہارنیس کا جینیوا میں بریفنگ میں کہنا تھا کہ سیلاب متاثرین موت اور تباہی کے دوسرے مرحلے میں داخل ہو رہے ہیں، متاثرہ علاقوں میں صحت، غذا، پانی اور صفائی کے کاموں میں جلد حکومت پاکستان کی مدد نہ کی گئی تو بچوں کی بیماریوں میں خوفناک اضافہ ہوگا۔

دنیا بھر میں ہیضے کی وباء میں تشویشناک اضافہ،ڈبلیو ایچ او

انہوں نے کہا کہ سیلاب کی وجہ سے پاکستان میں اب تک تقریباً ایک ہزار 700 افراد ہلاک ہو چکے ہیں، پاکستان اور اقوام متحدہ نے سیلاب کا سبب موسمیاتی تبدیلی کو قرار دیا ہے۔

دوسری جانب بارشوں اور سیلاب کی تباہ کاریوں سے متعلق،این ڈی ایم اے کی جاری کردہ رپورٹ کے مطابق گزشتہ 24گھنٹے میں خیبر پختون خوا میں ایک شخص جاں بحق ہوا،ملک بھر میں اب تک جاں بحق افراد کی تعداد ایک ہزار696 ہو گئی-

اینٹی ڈپریسنٹ کا دیر پا استعمال قلبی امراض کے خطرات میں اضافہ کر سکتا ہے،تحقیق