شکایات کے حل کا انوکھا طریقہ

شیخوپورہ (نمائندہ باغی ٹی وی) ڈپٹی کمشنر شیخوپورہ محمد اصغر جوئیہ نے شہریوں کی شکایات کو فوری طور پر حل کرنے اور دفاتر کے چکروں سے نجات دلانے کے لیے شہر بھر کی مساجد میں شکایت بکس رکھے ہیں جہاں شہری کسی بھی محکمے کے متعلق اپنی شکایت یا کسی بھی مسئلے کی صورت میں درخواست لکھ کر شکایات بوکس میں رکھیں گے جس پر ضلعی انتظامیہ اور ڈی پی او شیخوپورہ غلام مبشر مکین کی جانب سے چوبیس گھنٹوں میں شکایت کو دور کیا جائے گا ڈپٹی کمشنر شیخوپورہ محمد اصغر جوئیہ نے نماز کی ادائیگی کے بعد مسجد میں شہریوں سے خطاب کرتے ہوئے کہا کہ شہریوں کی خدمت اور ان کے مسائل کو فوری حل کرنا اولین ترجیحات میں شامل ہے انکا کہنا تھا کہ بوکسز سے موصول ہونے والی شکایات کو فوری حل کرنے کے لیے ضلعی انتظامیہ ڈسٹرکٹ پولیس کی جانب سے کمیٹی تشکیل دے دی گئی ہے جس کی وہ خود نگرانی کریں گے تاکہ شہریوں کو بروقت انصاف فراہم کیا جاسکے