ہائر ایجوکیشن کمیشن (ایچ ای سی) کے چیئرمین نے فیڈرل اردو یونیورسٹی آف آرٹس، سائنسز اینڈ ٹیکنالوجی کے اسلام آباد اور کراچی کیمپسز میں مالی اور انتظامی بے ضابطگیوں کی متعدد شکایات کے بعد 4 رکنی کمیٹی قائم کی ہے۔
کمیٹی کے کنوینر مشیر ایچ ای سی انجینئر محمد رضا چوہان ہوں گے، جبکہ دیگر اراکین میں وزارتِ تعلیم و پیشہ ور تربیت کے سینئر جوائنٹ سیکریٹری آفتاب رشید، ڈائریکٹر جنرل ریجنل سینٹر کراچی نذیر حسین اور ایچ ای سی اسلام آباد کے اسسٹنٹ ڈائریکٹر حماد بن سیف شامل ہیں۔کمیٹی کا کام یونیورسٹی کے گورننس، مالیاتی انتظام، بھرتی کے ضوابط، سروس رولز اور شکایات کے ازالے کے طریقہ کار کا آڈٹ کرنا ہے۔ یہ متعلقہ حکام اور فورمز کے سامنے زیر التواء قانونی اور ریگولیٹری معاملات کا بھی جائزہ لے گی۔
کمیٹی کو اختیار حاصل ہے کہ وہ یونیورسٹی میں قانونی یا انتظامی عہدوں پر فائز افراد کے اختیارات اور ان کے ممکنہ غلط استعمال کی جانچ کرے، اور خاص طور پر فیکلٹی اور عملے کے خلاف ہراساں کرنے، امتیازی سلوک یا انتقامی کارروائی کی مثالوں کا تجزیہ کرے۔کمیٹی یونیورسٹی کے حکام، فیکلٹی اور عملے سے رابطہ کر کے اپنے مشاہدات کی تصدیق کرے گی اور 15 روز کے اندر نتائج اور قابلِ عمل سفارشات کے ساتھ ایک جامع رپورٹ جمع کرائے گی۔
یورپی یونین نے ریمنڈس کاروبلس کو پاکستان کا سفیر مقرر کر دیا
پی ٹی آئی رہنما ملک احمد خان بھچر ضمنی الیکشن سے دستبردار
پنجاب میں تباہ کن سیلاب، جاں بحق افراد کی تعداد 33، 20 لاکھ سے زائد بے گھر
ختمِ نبوت اور دینی مدارس کے تحفظ کی جدوجہد جاری رہے گی،مولانا فضل الرحمٰن
