امریکی صدر ڈونلڈ ٹرمپ نے دعویٰ کیا ہے کہ امریکا اور چین نے ٹک ٹاک کی فروخت سمیت دیگر کاروباری معاملات کو مذاکرات کے ذریعے حل کرنے پر اتفاق کرلیا ہے۔
خبر رساں ادارے رائٹرز کے مطابق دونوں ممالک کے درمیان معاملات کو حتمی شکل دینے کے لیے 19 ستمبر کو ڈونلڈ ٹرمپ اور چینی صدر شی جن پنگ کے درمیان بات چیت ہوگی۔امریکی وزیر خزانہ اسکاٹ بیسنٹ اور تجارتی نمائندہ جیمیسن گریر نے 15 ستمبر کو اسپین کے شہر میڈرڈ میں اعلیٰ سطحی مذاکرات کے بعد بتایا کہ معاہدے کو حتمی شکل دینے پر اتفاق ہوگیا ہے، تاہم تجارتی شرائط کی تفصیلات نہیں بتائی گئیں۔ ان کا کہنا تھا کہ یہ معاہدہ نجی فریقوں کے درمیان ہے لیکن شرائط طے پا گئی ہیں۔
ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر لکھا کہ یورپ میں امریکا اور چین کے درمیان ہونے والا بڑا تجارتی اجلاس کامیاب رہا۔ انہوں نے کہا کہ ایک خاص کمپنی پر بھی معاہدہ ہوا ہے، جسے امریکی نوجوان بچانا چاہتے تھے، اور اب وہ خوش ہوں گے۔رائٹرز کے مطابق میڈرڈ میں ہونے والے مذاکرات میں ٹک ٹاک کی فروخت کے ساتھ ساتھ وسیع تر معاشی پالیسیوں پر بھی بات ہوئی۔
چین نے دو روز قبل امریکی حکومت پر زور دیا تھا کہ وہ ٹک ٹاک کی فروخت یا امریکا میں اس کی سروسز جاری رکھنے کے حوالے سے مذاکراتی حل تلاش کرے۔خیال رہے کہ امریکا میں ٹک ٹاک کو 17 ستمبر تک بند کیے جانے کا خطرہ ہے، تاہم ٹرمپ پہلے ہی عندیہ دے چکے ہیں کہ وہ پابندی کی مدت میں توسیع کر سکتے ہیں۔
اسرائیلی حملہ دہشت گردی اور عالمی قوانین کی خلاف ورزی ہے، ایرانی صدر
امریکی وزیر خارجہ کا اسرائیل کی غیر متزلزل حمایت کا اعلان
ایشیا کپ 2025: یو اے ای نے عمان کو 42 رنز سے شکست دیدی
