امریکہ کا ایران کے خلاف اب کیا ٹارگٹ ہے؟ امریکی وزیر خارجہ نے بتا دیا

0
30

امریکہ کا ایران کے خلاف اب کیا ٹارگٹ ہے؟ امریکی وزیر خارجہ نے بتا دیا

باغی ٹی وی کی رپورٹ کے مطابق امریکی وزیر خارجہ مائیک پومپیو نے جنرل قاسم سلیمانی کی ہلاکت کے بعد پریس کانفرنس سے خطاب کرتے ہوئے کہا کہ ایران افغان امن عمل کو نقصان پہنچا رہا ہے، ایران اور عراق کی صورتحال پر امریکہ اور یورپی یونین مذاکرات رواں ہفتے ہوں گے، ہمارے ہوتے ہوئے ایران ایٹمی ہتھیار نہیں بنا سکتا۔

مائیک پومییو کا کہنا تھا کہ جنرل قاسم سلیمانی امریکیوں کے قتل میں ملوث تھے اور وہ مزید امریکی شہریوں کو قتل کرنے کی منصوبہ بندی کر رہے تھے ۔ ان پر حملے کا فیصلہ درست تھا، ڈرون حملے سے پہلے قانونی پہلوﺅں کا جائزہ لیا گیا

امریکی وزیر خارجہ کا مزید کہنا تھا کہ قاسم سلیمانی عراق میں سفارتی مشن پر نہیں تھے، انہوں نے صحافیوں سے ہنستے ہوئے سوال پوچھا کہ آپ کے خیال میں قاسم سلیمانی سفارتی مشن پر تھا ، کیا وہ صلح کرانے والا بندہ تھا؟ یہ ایرانی پراپیگنڈا ہے کہ قاسم سلیمانی سفارتی مشن پر تھا، میری سعودی وزیر خارجہ سے بھی بات ہوئی ہے انہوں نے کہا ہے قاسم سلیمانی ایران اور سعودی عرب میں کشیدگی کے حوالے سے کوئی کردار ادا نہیں کر رہے تھے۔

مائیک پومپیو کا مزید کہنا تھا کہ ہر وہ ٹارگٹ جس کو نشانے پر رکھا گیا ہے، اس حوالے سے جو بھی کوشش کی جائے گی وہ جنگوں کے عالمی قوانین کے دائرے میں رہ کر کی جائے گی,امید ہے ایران امریکیوں کو مارنے کی کوشش نہیں کرے گا, ایران نے افغان امن عمل کو نقصان پہنچایا،خطےمیں دہشت گرد گروپوں سےایران کے تعلقات ہیں،

واضح رہے کہ بغداد ایئر پورٹ پر امریکی فضائی حملے میں ایرانی جنرل سمیت 9 افراد ہلاک ہو گئے، فضائی حملے میں ہلاک جنرل قاسم سلیمانی القدس فورس کے سربراہ تھے، عراقی میڈیا کا کہنا ہے کہ دیگر ہلاک شدگان میں ایران نواز ملیشیا الحشد الشعبی کا رہنما بھی شامل ہے۔

بغداد میں امریکی حملے پر ایران کے وزیر خارجہ جواد ظریف نے ردعمل دیتے ہوئے کہا ہے کہ جنرل سلیمانی پر حملہ عالمی دہشت گردی ہے، امریکا کو اس حرکت کے نتائج بھگتنا ہوں گے۔ ایرانی وزیر خارجہ جواد ظریف نے اس حملے کو عالمی دہشت گردی قرار دیا ہے۔ ایران نے انتقام لینے کا اعلان کیا ہے، عراق نے بھی امریکا کی فوج کے انخلا کی قرار داد منظور کر لی ہے جس پر امریکہ نے عراق کو بھی دھمکی دی ہے، پاکستان نے خطے میں امن کے لئے بات چیت سے معاملہ حل کرنے کا کہا ہے، دیگر ممالک نے بھی بات چیت پر زور دیا ہے،

امریکی حملے میں ایران کے قاسم سلیمانی،عراقی ملیشیا کے کمانڈر جاں بحق، ایران نے دیا امریکہ کو سخت ردعمل

قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟

ایرانی جنرل کو مارنے کے بعد امریکہ نے دی شہریوں کو اہم ہدایات

جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟

ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا

تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا

امریکا کے ایرانی جنرل قاسم سلیمانی پر حملے میں ہلاکت کے بعد مشرق وسطیٰ کے حالات کشیدہ ہیں، ایران نے انتقام لینے کی دھمکی دی ہے، امریکی صدر ٹرمپ بھی دھمکی آمیز بیانات دے رہے ہیں، امریکی وزیر خارجہ نے پاکستان اور سعودی عرب سے رابطہ کیا ہے، چین ،پاکستان نے دونوں ممالک کو پرامن رہنے کی اپیل کی ہے اور بات چیت سے معاملہ حل کرنے کا کہا ہے،اسرائیل بھی ہائی الرٹ ہے، امریکا نے چوبیس گھنٹے میں بغداد پر دوسرا حملہ بھی کیا ہے

Leave a reply