امریکا، پاک، روس توانائی ڈیل روکنے کی کوشش کرے گا، روسی وزیر خارجہ

روسی وزیرخارجہ سرگئی لاؤروف نے کہا ہے کہ امریکا پاک روس توانائی ڈیل روکنے کی کوشش کرے گا۔
سرگئی لاؤروف نے ماسکو میں پاکستانی ہم منصب بلاول بھٹو کے ساتھ مشترکا پریس کانفرنس کرتے ہوئے کہا کہ امریکا شرمناک اور غرور بھرے لہجے میں ہر ملک کو روس سے تجارت کرنے سے روکتا ہے۔روسی وزیر خارجہ نے کہا کہ امریکا نےحال ہی میں چین بھارت،ترکی اورمصر کو بھی دھمکیاں دی ہیں،امریکی حکومت پاک روس توانائی ڈیل میں بھی حائل ہوگی۔سرگئی لاؤروف کا کہنا تھا کہ پاکستان سمیت ممالک کی اکثریت اپنے قومی مفاد کو مد نظر رکھتی ہے،ہم باخبر ہیں کہ مغربی ممالک کیا اقدامات کر سکتے ہیں، وہ دھمکیاں ہی نہیں دہشتگردی پر اتر سکتے ہیں۔
دوسری جانب وزیرخارجہ بلاول بھٹو زرداری نے کہا کہ ہم روس سے تعلقات بڑھانا چاہتے ہیں،امید ہے دوسرے ممالک مداخلت نہیں کریں گے۔

We intend to intensify cooperation with Russia in the areas of trade, economy, security, counterterrorism, defence, as well as cultural, educational and people to people contact – FM @BBhuttoZardari at a joint press conference in Russia
1/5 pic.twitter.com/hWmIjtMdi2

— PPP (@MediaCellPPP) January 30, 2023

انہوں نے کہا کہ افغانستان کے معاملے پر پاکستان اور روس مل کر کام کر رہے ہیں ،توانائی کے شعبے میں تعاون میں بھی مثبت پیشرفت کی توقع ہے۔
واضح رہے کہ وزير خارجہ بلاول بھٹو زرداری روس کے 2 روزہ دورے پر ہیں۔