چیئرمین پاکستان پیپلز پارٹی بلاول بھٹو زرداری سے امریکی نیشنل سیکیورٹی کونسل کے سینئر ڈائریکٹر رکی گل نے زرداری ہاؤس اسلام آباد میں ملاقات کی۔ اعلامیہ کے مطابق، اس موقع پر آصفہ بھٹو زرداری، سینیٹر شیری رحمان اور امریکی ناظم الامور نٹالی بیکر بھی موجود تھیں۔
پیپلز پارٹی کے ترجمان کے مطابق ملاقات میں دوطرفہ تعلقات کے فروغ، علاقائی سلامتی، تجارتی و سفارتی تعاون کے مختلف پہلوؤں پر تبادلہ خیال کیا گیا۔ملاقات کے دوران بلاول بھٹو زرداری نے پاک بھارت جنگ بندی میں امریکی صدر ڈونلڈ ٹرمپ کے کردار کو ناقابل فراموش قرار دیا اور کہا کہ ان کی امن کی کوششیں نوبیل انعام کے قابل ہیں۔بلاول نے مزید کہا کہ پاکستان عالمی برادری کے ساتھ تجارتی تعلقات میں وسعت کا خواہاں ہے اور امریکا کے ساتھ حالیہ تجارتی معاہدوں کا خیرمقدم کرتا ہے۔
امریکی نیشنل سیکیورٹی کونسل کے سینئر ڈائریکٹر رکی گل نے بلاول بھٹو زرداری کے لیے نیک تمناؤں کا اظہار کیا اور پاکستان کے ساتھ تعاون بڑھانے کے امریکی عزم کا اعادہ کیا۔
وزیراعظم کا برآمدات میں 17 فیصد اضافے پر اظہار اطمینان
حماس کا اسرائیل کے جنگ بندی مذاکرات سے پیچھے ہٹنے پر شدید ردعمل
پاکستانی کرکٹر حیدر علی انگلینڈ میں مبینہ جنسی ہراسانی کیس میں گرفتار
پاکستانی کرکٹر حیدر علی انگلینڈ میں مبینہ جنسی ہراسانی کیس میں گرفتار
