باغی ٹی وی کی رپورٹ کے مطابق اسامہ ستی قتل کیس اسلا م آباد ہائیکورٹ میں سماعت کرنے والا بینچ ٹوٹ گیا
جسٹس فیاض احمد انجم جندران کی مدت میں توسیع نہ ملنے پر بینچ ٹوٹ گیا جسٹس محسن اختر کیانی نے نئے بینچ کی تشکیل کے لیے فائل چیف جسٹس کو بھیج دی اسلام آباد ہائیکورٹ کے چیف جسٹس اطہر من اللہ نیا بینچ تشکیل دیں گے اسامہ ستی کے والد ندیم ستی نے انسداد دہشت گردی عدالت کا فیصلہ چیلنج کر رکھا ہے
وکیل درخواست گزار نے کہا کہ انسداد دہشت گردی عدالت نےملزمان کی درخواست پردہشت گردی دفعات ختم کیں،دہشتگردی دفعات ختم کرکے مقدمہ کوسماعت کیلئے کچہری بھجوا دیا گیا،مقدمے میں دہشت گردی کی دفعات بحال کرنے کاحکم دیا جائے،انسداد دہشت گردی عدالت کا 12 اپریل کا فیصلہ کالعدم قرار دیا جائے،
پانچ پولیس اہلکاروں پر طالب علم اسامہ ستی کو گولیوں سے قتل کرنے کا الزام ہے انسداد دہشت گردی عدالت نے مقدمہ سیشن کورٹ کو منتقل کردیا تھا
پولیس فائرنگ سے جاں بحق اسامہ سٹی کی پوسٹ مارٹم رپورٹ آ گئی،کتنی گولیاں لگیں؟
اسامہ ستی قتل کیس، وفاقی کابینہ کا اہم فیصلہ، وزیراعظم کا دبنگ اعلان
اسامہ ستی قتل کیس ، پولیس افسران ملزمان کو بچانے کے لیے سرگرم
اسامہ ستی قتل کیس، عدالتی فیصلے کے بعد مدعی کا بڑا اعلان
واضح رہے کہ طالبعلم اسامہ ستی کو فائرنگ کر کے قتل کرنے والے پولیس اہلکاروں کے لیے بڑا ریلیف ، ملزمان کی دہشتگردی کی دفعات ختم کرنے کی درخواستیں منظور کر لی گئیں تھیں انسداد دہشتگردی عدالت نے دہشتگردی کی دفعات ہٹا کر کیس سیشن کورٹ منتقل کرنے کا فیصلہ سنا یا تھا ملزم مدثر کی ضمانت کی درخواست خارج کر دی گئی، عدالت نے کیس ڈسٹرکٹ کورٹ کو بھجوا دیا تھا، مدعی نے عدالت کے فیصلے کو چیلنج کیا ہے
