حال ہی میں کورونا وائرس کو شکست دینے والے پاکستانی اداکار عثمان مختار کا کہنا ہے کہ کورونا وائرس کی وجہ سے شادیوں میں چپک کر ڈانس کرنا بند کریں۔
باغی ٹی وی :ڈرامہ سیریل ثبات میں حارث کے کردار سے شہرت حاصل کرنے والے اداکارعثمان مختار نے سماجی رابطے کی ویب سائٹ انسٹا گرام پر اپنی تصویر شیئر کی جس میں دیکھا جا سکتا ہے کہ وہ کسی شادی کی تقریب میں ہیں اور سیلفی بناتے نظر آرہے ہیں۔
تصویر کے کیپشن میں انہوں نے حالیہ حالات کے مطابق سنجیدہ مسٔلے کی جانب توجہ دلاتے ہوئے لکھا کہ شادی، رقص اور کھانے کے بعد اب آپ کی تمام تر توجہ میری جانب ہے اور وہ یہ ہے کہ میں نے شادی سے متعلق بہت سے لوگوں کی انسٹا گرام اسٹوریز دیکھی ہیں جس میں لوگ ایک دوسرے کے ساتھ چپک چپک کر ڈانس کر رہے ہیں۔
عثمان مختار نے لکھا کہ اس طرح شادیوں میں چپک کر ڈانس کرنا بند کریں اور کورونا وائرس سے متعلق ایس او پیز پر عمل کریں-
اداکار نے لکھا کہ اپنی حفاظت کریں اگر نہیں کر سکتے تو کم از کم اپنے ارد گرد کے لوگوں کی پروا کریں جنہیں آپ کرونا وائرس سے متاثر کرنے جا رہے ہیں کیوں کہ یہ زندگی اور موت کا مسئلہ ہےاس لئے برائے مہربانی احتیاط کریں۔
واضح رہے کہ رواں برس اکتوبر اداکارعثمان مختار نے سماجی رابطے کی ویب سائٹ انسٹاگرام پر اسٹوری پیغام میں اطلاع دی تھی کہ وہ کورونا وائرس میں مبتلا ہو گئے ہیں-اداکار نے انسٹا اسٹوری میں اپنا پیغام جاری کرتے ہوئے لکھا تھا کہ میں نے کورونا وائرس ٹیسٹ کروایا تھا جس کے نتائج مثبت آئے ہیں۔
عثمان مختار بھی عالگیر وبا کورونا وائرس میں مبتلا ہو گئے
اداکار نے اپنے مداحوں سے دُعاؤں کی اپیل کرتے ہوئے لکھا تھا کہ مجھے اپنی دُعاؤں میں یاد رکھیں اور عالمی وبا کورونا وائرس سے محفوظ رہنے کے لیے سماجی فاصلہ برقرار رکھیں۔
عثمان مختار کے بعد ماڈل فروا علی کاظمی بھی کورونا وائرس کا شکار
