ٹھٹھہ میں جھرک کے قریب قومی شاہراہ پر مسافر وین اور ٹرک کے درمیان خوفناک تصادم سے 7 افراد جاں بحق ہو گئے۔
باغی ٹی وی : ریسکیو حکام کے مطابق حادثے میں دو خواتین اور ایک بچے سمیت 7 افراد جاں بحق اور 15 افراد زخمی ہوئے، حادثے میں جاں بحق اور زخمی ہونے والوں کو جھرک اور سول اسپتال ٹھٹھہ منتقل کر دیا گیا ہےپولیس ذرائع کے مطابق وین حیدرآباد سے ٹھٹھہ جارہی تھی کہ حادثے کا شکار ہو گئی حادثہ تیز رفتاری کے باعث پیش آیا جبکہ اسپتال میں ایمرجنسی نافذ کر دی گئی ہے۔
دوسری جانب کندھ کوٹ میں ٹھل روڈ ڈیرا سر کی اسٹاپ پر کوئٹہ سے پنجاب جانے والی کوچ پر ڈاکوؤں کی فائرنگ سے چار مسافر زخمی ہوگئےمسافر کوچ کوئٹہ سے پنجاب جارہی تھی کے 10 سے زائد ڈاکوؤں نے راستے میں نہ رکنے کر اندھا دھند فائرنگ کردی،کوچ ڈرائیور خوف سے رک گیا تو مسلح ڈاکو کوچ میں بیٹھے ہوئے تمام مسافروں سے لاکھوں روپے نقدی رقم لوٹ کر با آسانی فرار ہوگئے واقعے میں زخمی ہونے والے چاروں افراد کو طبی امداد فراہم کرنے لئے اسپتال منتقل کردیا گیا ہے جن میں سے ایک شخص کی حالت تشویشناک ہے۔
جلاؤ گھیراؤ کیس:پی ٹی آئی کی 3 خواتین دو روزہ جسمانی ریمانڈ پر پولیس کے …
علاوہ ازیں کراچی میں ابوالحسن اصفہانی روڈ پرعباس ٹاؤن کے قریب کارکی ٹکرسے ایک پولیس اہلکار زخمی ہوگیا پولیس اہلکاروں نے تلاشی کے لئے کار کو رکنے کا اشارہ کیا تھا، کار سوار نے رکنے کے بجائے اہلکاروں پرکار چڑھانے کی کوشش کی تھی مشکوک کار کی ٹکر سے پولیس اہلکار کاشف زخمی ہوا تھا۔
