سپریم کورٹ ،ویڈیو لنک کے ذریعے کوئٹہ سے سماعت کا آغاز،کوئٹہ والوں کو سلام،چیف جسٹس

سپریم کورٹ آف پاکستان نے کوئٹہ بینچ سے آن لائن سماعت کا آغاز کر دیا، کوئٹہ بینچ سے آن لائن سماعت کے دوران ملزم کی سزا کالعدم کر دی

باغی ٹی وی کی رپورٹ کے مطابق سپریم کورٹ نے کراچی کے بعد کوئٹہ بینچ سے بھی ویڈیو لنک کے ذریعے سماعت کا آغاز کر دیا گیا. چیف جسٹس آصف سعید کھوسہ نے دوران سماعت ریمارکس دئیے کہ نادرا کے شکرگزار ہیں انھوں نے بہت تعاون کیا،ای کورٹ کے ذریعے لوگوں کی پیسے اور وقت کی بچت ہوگی ،لاہور، اسلام آباد،کراچی،کوئٹہ سے بیک وقت ویڈیو لنک کے ذریعے مقدمات سنیں گے.

چیف جسٹس نے مزید کہا کہ کوئٹہ والوں کو سلام،آج تاریخی دن ہے،میری خواہش تھی ای کورٹ کا آغاز کوئٹہ سے ہوتا. تکنیکی مسائل کیوجہ سے ہمیں ای کورٹ کا آغاز کراچی رجسٹری سے کرنا پڑا،چھٹیوں کےبعد ایک خصوصی بنچ صرف ویڈیو لنک سےمقدمات سنے گا.

چیف جسٹس نے وٰیڈیو لنک کے ذریعے ایک کیس کی سماعت کے دوران حاجی علی رضا کو زخمی کرنے کے ملزم مشتاق حسین کی دو سال قید کی سزا کالعدم کردی ،چیف جسٹس آصف سعید کھوسہ کی سربراہی میں تین رکنی بنچ نے سماعت کی ،عدالت نے حکم دیا کہ جرمانے کی 40 ہزار رقم ایک ماہ میں ادا کی جائے،

بلوچستان ہائیکورٹ نے ملزم کی سزا برقرار رکھتے ہو جرمانے کی رقم بڑھا کر 40 ہزار کی تھی، ٹرائل کورٹ نے ملزم مشتاق حسین کو 2 سال قید اور 20 ہزار جرمانہ ادا کرنے کی سزا سنائی تھی.