ویڈیواسکینڈل ،ڈسٹرکٹ کورٹ اسلام آباد میں ملزموں کا5روزہ ریمانڈ منظور کر لیا گیا

باغی ٹی وی کی رپورٹ کے مطابق ملزم ناصر جنجوعہ،غلام جیلانی اور خرم یوسف سول جج شائستہ کنڈی کی عدالت میں پیش کئے گئے،ایف آئی اے کی جانب سےملزمان کے 5روزہ جسمانی ریمانڈ کی استدعا کی گئی ،جج شائستہ کنڈی نے استفسار کیا کہ آپ کو ملزمان کا جسمانی ریمانڈ کیوں چاہیے؟ ایف آئی اے پراسیکیوٹر نے عدالت کو کہا کہ ملزموں سے ریکوری کرنی ہے اس لیےجسمانی ریمانڈ چاہیے،

وکیل رضوان عباسی نے دلائل کے بعد خود ناصر جنجوعہ کے جسمانی ریمانڈ کی استدعا کر دی ،رضوان عباسی نے کہا کہ ایف آئی اے کو پورے 5دن دے دیں، تاکہ تفتیش مکمل کر لیں،

عدالت نے ناصر جنجوعہ سے سوال کیا کہ کیا آپ کو وعدہ معاف گواہ بننے کی آفر کی گئی ہے جس پر ناصر جنجوعہ خاموش رہے اور کوئی جواب نہ دیا

ملزم ناصر جنجوعہ، خرم یوسف اور غلام جیلانی کو عدالت سے باہر نکلنے پر گرفتار کیا گیا ہے، عدالت نے ناصر جنجوعہ اور خرم یوسف کی ضمانت قبل از گرفتاری کی درخواست خارج کر دی تھی جس پر انہیں گرفتار کر لیا گیا ہے اسلام آباد کی سائبر کرائم کورٹ کے جج طاہر خان نے ضمانت خارج کیں

قبل ازیں جج شائستہ کنڈی نے ملزم میاں طارق کے جوڈیشل ریمانڈ میں 14 دن کی توسیع کر دی اور 16 ستمبر کو دوبارہ پیش کرنے کا حکم دیا

واضح رہے کہ مسلم لیگ ن کی رہنما مریم نواز نے جج ارشد ملک کی ویڈیو جاری کی تھی جس کے بعد احتساب عدالت کے جج کی خدمات دوبارہ لاہور ہائیکورٹ کے سپرد کر دی گئیں، جج ارشد ملک نے حلف نامے میں ویڈیو کو جعلی قرار دیا اور کہا کہ مجھے دھمکیاں دی گئیں اور بلیک میل کرنے کی کوشش کی گئی.

میاں طاق نے جج ارشد ملک کی ویڈیو کس کو بیچی تھی؟ اٹارنی جنرل نے سپریم کورٹ میں بتا دیا

ایف آئی اے نے میاں طارق کو گرفتارکرلیا تھا .گرفتاری کے بعد ملزم کو انتہائی سخت سیکیورٹی میں عدالت لایا گیا، ‘

واضح رہے کہ لالہ موسی سے تعلق رکھنے والے ناصر جنجوعہ اسلام آباد ميں تعميراتي صنعت کي اہم کاروباري شخصيت ہيں۔ان کے والد میاں امام دین جنجوعہ نے60 کی دہائی ميں مڈجيک کے نام سے کمپني قائم کي، جس نے کئي بڑے ايئرپورٹ سميت متعدد بڑے منصوبے مکمل کيے ہيں۔

احتساب عدالت کے جج ارشد ملک نے اپنے بيان حلفي ميں بھي بزنس مين ناصر جنجوعہ کا ذکر کيا ہے انہوں نے کہا کہ ناصر جنجوعہ نے مجھے رشوت کي پيشکش کي ۔ارشد ملک نے اپنے بیان حلفی میں کہا ہے کہ نواز شریف کے کیسز کی سماعت کے دوران ن لیگ کے دو نمائندوں نے مجھ سے رابطے کیے اور کہا کہ نواز شریف منہ مانگی رقم دینے کو تیار ہیں۔انہوں نے کہا کہ آپکو کسی بھی ملک میں پیسے ادا کرنے کو تیار ہیں۔ناصر جنجوجہ اور مہر جیلانی نے نواز شریف کو بری کرنے کے لیے دھمکیاں دی تھیں