امریکی صدر ڈونلڈ ٹرمپ نے کہا ہے کہ وینیزویلا اور اس کے اطراف کی فضائی حدود کو ’’مکمل طور پر بند‘‘ سمجھا جانا چاہیے، تاہم انہوں نے اس اعلان کی مزید تفصیلات فراہم نہیں کیں۔
خبر رساں ادارے رائٹرز کے مطابق واشنگٹن صدر نکولس مادورو کی حکومت پر دباؤ بڑھا رہا ہے۔ اسی سلسلے میں ٹرمپ نے ٹروتھ سوشل پر اپنی پوسٹ کے ذریعے کہا کہ ’’تمام ایئرلائنز، پائلٹس، منشیات اور انسانی اسمگلرز وینیزویلا کے اوپر اور اس کے آس پاس کی فضائی حدود کو مکمل طور پر بند تصور کریں۔رپورٹ کے مطابق وینیزویلا کی وزارتِ اطلاعات نے ٹرمپ کے بیان پر تبصرہ کرنے کی درخواست کا فوری جواب نہیں دیا، جبکہ امریکی محکمہ دفاع نے بھی اس معاملے پر کوئی فوری ردعمل نہیں دیا۔
واضح رہے کہ کیریبین میں مبینہ منشیات بردار کشتیوں کے خلاف امریکی کارروائیاں کئی ماہ سے جاری ہیں اور خطے میں امریکی فوجی سرگرمیوں میں اضافہ دیکھا جا رہا ہے۔ علاوہ ازیں ٹرمپ پہلے ہی وینیزویلا میں سی آئی اے کی خفیہ کارروائیوں کی منظوری دے چکے ہیں۔صدر ٹرمپ نے رواں ہفتے فوجی اہلکاروں سے گفتگو میں کہا تھا کہ امریکا بہت جلد وینیزویلا سے تعلق رکھنے والے مشتبہ منشیات اسمگلرز کے خلاف زمینی کارروائیاں بھی شروع کرے گا
فیکٹ چیک،سوشل میڈیا پر پنجگور حملہ کی خبر بے بنیاد قرار
دل کی مسافتیں اور خواہش کی شکست،تحریر:نور فاطمہ
پاکستان سے بدترین شکست،بھارت کا 300 نئے میزائل خریدنے کا فیصلہ
